كەشە اقتوبە وبلىستىق ءماسليحاتىنىڭ كەزەكتەن تىس 28-ءشى سەسسياسى بولىپ ءوتتى. وعان قازاقستان رەسپۋبليكاسى پرەزيدەنتى اكىمشىلىگىنىڭ باسشىسى اسلان مۋسين قاتىستى. اسلان ەسبولاي ۇلى الدىمەن ءماسليحات دەپۋتاتتارىمەن جولىعىپ, ەلباسى ن.ءا.نازارباەۆتىڭ اقتوبە وبلىسىنىڭ اكىمدىگىنە ەلەۋسىن ناۋرىزباي ۇلى ساعىندىقوۆتى قايتا تاعايىنداۋ جونىندە ۇسىنىس بىلدىرگەنىن مالىمدەدى. سەسسيا جۇمىسىنا قاتىسقان دەپۋتاتتار ەلباسى ۇسىنىسىن ءبىراۋىزدان ماقۇلدادى.
ودان كەيىن بولعان اكتيۆ جيىنىندا ەلەۋسىن ناۋرىزباي ۇلى ەلباسى, ۇلت كوشباسشىسى نۇرسۇلتان نازارباەۆتىڭ جوعارى سەنىمىن ابىرويمەن اتقاراتىنىنا سەندىرىپ, ءوڭىر تىنىسىن مەملەكەت العا قويعان تاپسىرمالار دەڭگەيىندە جانداندىرۋعا ءسوز بەردى. اكتيۆ جينالىسىندا اسلان مۋسين ءسوز ءسويلەپ, ەلدىڭ, جەردىڭ بايلىعىن يگىلىككە پايدالانۋ جونىندە پىكىر ءبىلدىرىپ, ەلباسى نۇرسۇلتان نازارباەۆتىڭ اتىنان كەزەكتەن تىس پرەزيدەنتتىك سايلاۋدا جوعارى بەلسەندىلىك تانىتىپ, سەنىم بىلدىرگەن اقتوبەلىكتەرگە العىس سەزىمىن جەتكىزدى.
ساتىبالدى ءساۋىرباي.
اقتوبە وبلىسى.