كەشە كوكشەتاۋ قالاسىندا اقمولا وبلىستىق ءماسليحاتىنىڭ كەزەكتەن تىس 32-ءشى سەسسياسى بولىپ ءوتتى. كۇن تارتىبىندە اقمولا وبلىسى اكىمىن تاعايىنداۋ تۋرالى ماسەلە قارالدى.
سەسسيا جۇمىسىنا قاتىسقان قازاقستان رەسپۋبليكاسىنىڭ پرەزيدەنتى اكىمشىلىگىنىڭ باسشىسى اسلان مۋسين دەپۋتاتتار كورپۋسىنا ەلباسى ن.ءا.نازارباەۆتىڭ اقمولا وبلىسىنىڭ اكىمدىگىنە سەرگەي دياچەنكونى قايتا تاعايىنداۋ جونىندە ۇسىنىس بىلدىرگەنىن مالىمدەدى. اقمولالىق دەپۋتاتتار ەلباسى ۇسىنىسىن ءبىراۋىزدان قولدادى.
ودان كەيىن وبلىس اكتيۆىنىڭ جينالىسىن جۇرگىزگەن ا.مۋسين ەلباسىنىڭ ءتيىستى جارلىققا قول قويعانىن جەتكىزىپ, س.ا.دياچەنكونى اقمولا وبلىسىنىڭ اكىمى قىزمەتىنە قايتا تاعايىندالۋىمەن قۇتتىقتادى. ول ەلباسى, ۇلت كوشباسشىسى ن.ءا.نازارباەۆتىڭ جوعارى سەنىمىن ابىرويمەن اتقاراتىنىنا سەندىرىپ, ءوڭىر تىنىسىن مەملەكەت العا قويعان تاپسىرمالار دەڭگەيىندە جانداندىرۋعا ءسوز بەردى.
اكتيۆ جينالىسىندا ا.مۋسين ءسوز سويلەپ, ەلباسى نۇرسۇلتان نازارباەۆتىڭ اتىنان كەزەكتەن تىس پرەزيدەنتتىك سايلاۋدا جوعارى بەلسەندىلىك تانىتىپ, سەنىم بىلدىرگەن اقمولالىقتارعا العىس سەزىمىن جەتكىزدى.
باقبەرگەن امالبەك.
كوكشەتاۋ.