كەشە پرەمەر-مينيستر كارىم ءماسىموۆ قوستانايعا كەلدى. ول وبلىستىڭ اكتيۆىن ەلباسىنىڭ جارلىعىمەن قوستاناي وبلىسىنىڭ اكىمى بولىپ ايماقتىڭ بۇرىنعى باسشىسى سەرگەي كۋلاگيننىڭ قايتا تاعايىندالعانىنان حاباردار ەتتى.
سەرگەي كۋلاگين قوستاناي وبلىسىن جەتى جىل باسقاردى. رەسپۋبليكاداعى وبلىس اكىمدەرىنىڭ اراسىندا ءبىر وبلىس تىزگىنىن وسىنشا ۇزاق مەرزىمگە ۇستاعان باسشى دا ءوزى ەكەن.
سەرگەي ۆيتالەۆيچ وبلىس اكىمى لاۋازىمىنا قايتا تاعايىندالۋىن ەلباسىنىڭ وزىنە دەگەن ۇلكەن سەنىمى دەپ باعالادى جانە سول سەنىم بيىگىنەن تابىلۋ ءۇشىن تاپسىرعان تاپسىرمالاردى جۇزەگە اسىرۋعا بار كۇش-جىگەرىن جۇمسايتىنىن ايتتى.
كارىم ءماسىموۆ سەرگەي كۋلاگيندى قۇتتىقتاي وتىرىپ, الدا كوڭىل بولەتىن ماسەلەلەر مەن تاپسىرمالاردى دا اتاپ ءوتتى. كوكتەمگى دالا جۇمىستارىن وتكىزۋ اكىمنىڭ الدا اتقاراتىن باستى جۇمىسىنىڭ ءبىرى بولماق. بيىل مال شارۋاشىلىعىن دامىتۋعا ارنالعان باعدارلاما باستالماق. ۇكىمەت باسشىسى وبلىس اكىمىنىڭ وسى ماسەلەگە كوڭىل ءبولۋىن جانە ازىق-ت ۇلىك باعاسىن قاداعالاۋدى تاپسىردى.
ءنازيرا جارىمبەتوۆا.
قوستاناي.