مەملەكەت باسشىسى نۇرسۇلتان نازارباەۆتىڭ اتىنا پرەزيدەنتتىك سايلاۋداعى جەڭىسىنە بايلانىستى شەتەلدىك ساياسي جانە قوعام قايراتكەرلەرىنەن كوپتەگەن قۇتتىقتاۋ حاتتارى ءتۇسۋى جالعاسۋدا.
سلوۆاكيا رەسپۋبليكاسىنىڭ ەكس-پرەزيدەنتى رۋدولف شۋستەر ءوزىنىڭ حاتىندا مەملەكەت باسشىسىن سايلاۋداعى باسىم جەڭىسىمەن قۇتتىقتايدى.
– ءسىزدىڭ ەلىڭىز – تابىستى ەكونوميكاسى, ءوسىپ كەلە جاتقان ءومىر ءسۇرۋ دەڭگەيى, ءبىلىم بەرۋ جانە مادەنيەتتى دامىتۋ بويىنشا تولىق نەگىزدە ۇلگى تۇتارلىق ەل. قازاقستان رەسپۋبليكاسى ءسىزدىڭ باسشىلىعىڭىزبەن حالىقارالىق دەڭگەيدە ەتنوسارالىق جانە دىنارالىق ۇنقاتىسۋدىڭ مودەلىنە اينالدى. بۇل ءبۇگىنگى الەمدە تولقۋلاردىڭ كوپتەگەن وشاقتارى پايدا بولىپ وتىرعان جاعدايدا وتە ماڭىزدى ءماسەلە بولىپ تابىلادى, – دەپ اتاپ كورسەتەدى حاتىندا ر.شۋستەر.
حورۆاتيانىڭ ەكس-پرەزيدەنتى ستەپان مەسيچ مەملەكەت باسشىسىن پرەزيدەنتتىك سايلاۋداعى سەنىمدى جەڭىسىمەن قۇتتىقتايدى.
– قازاقستان ءسىزدىڭ باسشىلىعىڭىزبەن سوڭعى ەكى ونجىلدىق بەدەرىندە, اسىرەسە, ەكونوميكا سەكتورىندا ايتارلىقتاي پروگرەسكە قول جەتكىزدى. ءسىزدىڭ جەڭىسىڭىز قازاقستان رەسپۋبليكاسىنىڭ ازاماتتارى تۇراقتىلىق پەن پروگرەستى تاڭداعانىنىڭ بەلگىسى بولىپ وتىر, – دەپ اتاپ كورسەتەدى ءوزىنىڭ حاتىندا س.مەسيچ.
مەملەكەت باسشىسىن پرەزيدەنتتىك سايلاۋداعى سەنىمدى جەڭىسىمەن رەسەي فەدەراتسياسى فەدەرالدى جينالىسى فەدەراتسيا كەڭەسىنىڭ توراعاسى سەرگەي ميرونوۆ قۇتتىقتايدى.
– رەسەي فەدەراتسياسى فەدەرالدى جينالىسى فەدەراتسيا كەڭەسىنىڭ جانە جەكە ءوزىمنىڭ اتىمنان ءسىزدى 2011 جىلدىڭ 3 ءساۋىرىندە بولىپ وتكەن قازاقستان رەسپۋبليكاسىنىڭ پرەزيدەنتتىك سايلاۋىنداعى تالاسسىز جەڭىسىڭىزبەن شىن جۇرەكتەن قۇتتىقتايمىن. سىزگە قازاقستان رەسپۋبليكاسىنىڭ كوپ ۇلتتى حالقى كورسەتكەن جوعارى سەنىم ءسىزدىڭ ەكونوميكا جانە ساياسات سالاسىندا ءجۇرگىزىپ كەلە جاتقان ەلدى جاڭعىرتۋ ساياساتىڭىزعا تولىق قولداۋدى ايعاقتاپ بەردى, – دەپ اتاپ كورسەتەدى حاتىندا س.ميرونوۆ.
پرەزيدەنتتىك سايلاۋدا نۇرسۇلتان نازارباەۆتىڭ سەنىمدى جەڭىسكە جەتۋىنە بايلانىستى قۇتتىقتاۋلارىن جولداعاندار قاتارىندا – فرانتسۋز رەسپۋبليكاسىنىڭ سەناتورى ك.پونسەلە, قىرعىز رەسپۋبليكاسى جوگوركۋ كەنەشىنىڭ دەپۋتاتى ا.كەلدىبەكوۆ, تاتارستان رەسپۋبليكاسىنىڭ پرەزيدەنتى ر.ميننيحانوۆ, كاۆكاز مۇسىلماندارى باسقارماسىنىڭ ءتوراعاسى, تمد دىنارالىق كەڭەسىنىڭ تەڭ توراعاسى شەيح-ۋل-يسلام اللاحشۋكيۋر پاشا-زادە, تۋلا جانە بەلەۆ ءميتروپوليتى الەكسەي, تەاتر مەن كينونىڭ بەلگىلى اكتەرى ارمەن دجيگارحانيان, ەۋروپانىڭ ازىربايجانداعى ساۋدا-ەكونوميكالىق, كوممەرتسيا جانە ونەركاسىپ پالاتاسىنىڭ پرەزيدەنتى ن.پيريەۆ, رەسەي فەدەراتسياسى ورىنبور وبلىسىنىڭ گۋبەرناتورى يۋ.بەرگ, دنەپرودزەرجينسك قالاسىنىڭ باسشىسى س.سافرونوۆ, «رۋسسنەفت» ۇك» ااق پرەزيدەنتى م.گۋتسەريەۆ, حالىقارالىق زاڭگەرلەر وداعىنىڭ توراعاسى ا.ترەبكوۆ, قىرىم ينجەنەر-پەداگوگيكالىق ۋنيۆەرسيتەتىنىڭ رەكتورى ف.ياكۋبوۆ, رەسەي فەدەراتسياسىنداعى بەردسك قالاسىنىڭ تۇرعىنى ۆ.تكاچەنكو, رف-نىڭ ينگۋش رەسپۋبليكاسىنداعى نازران قالاسىنىڭ تۇرعىنى دولگيەۆا, ءازىربايجاننىڭ سامەدلي كەنتىندە تۇراتىن م.ابدۋللاەۆ, ءماسكەۋ قالاسىنىڭ تۇرعىنى ب.پاستۋحوۆ, رف-نىڭ كاباردين-بالقار رەسپۋبليكاسىنداعى نالچيك قالاسىنىڭ تۇرعىنى ي.كايتاەۆ بار.