مەملەكەت باسشىسى نۇرسۇلتان نازارباەۆ بەلارۋس رەسپۋبليكاسىنىڭ پرەزيدەنتى الەكساندر لۋكاشەنكوعا مينسكىدەگى «وكتيابرسكايا» مەتروسى ستانساسىنداعى جارىلىس سالدارىنان ادامداردىڭ قازا تابۋىنا بايلانىستى كوڭىل ايتۋ جەدەلحاتىن جولدادى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى.
«قازاقستاندا مينسكىدەگى «وكتيابرسكايا» مەتروسى ستانساسىنداعى جارىلىس سالدارىنان ادامداردىڭ قازا بولعانى تۋرالى حاباردى تەرەڭ كۇيزەلىسپەن قابىلدادى.
قازاقستاننىڭ كوپۇلتتى حالقىنىڭ جانە جەكە ءوزىمنىڭ اتىمنان قازا بولعانداردىڭ وتباسىلارىنا, تۋعان-تۋىستارىنا قايعىرىپ كوڭىل ايتامىن. بارلىق زارداپ شەككەندەرگە قولداۋ ءسوزىمدى جەتكىزۋدى وتىنەمىن», دەلىنگەن كوڭىل ايتۋ جەدەلحاتىندا.