كازكوممەرتسبانك (Qazkom) الماتى قالاسىندا وتكەن 28-ءشى بۇكىلالەمدىك قىسقى ۋنيۆەرسيادا ويىندارىنىڭ دەمەۋشىسى بولىپ, بارشا جاستار اراسىنداعى جالىندى سپورت جارىستارىن قولدادى. بانك بۇل ۋنيۆەرسيادانى الەمدەگى ەڭ ايشىقتى سپورت وقيعالارىنىڭ ءبىرى دەپ باعالايدى جانە دە الەۋمەتتىك جاۋاپتى ينستيتۋت رەتىندە Qazkom بۇل جوباعا قولداۋ كورسەتكەنىنە قۋانىشتى.
جارىستار وتكەن 2017 جىلعى 29 قاڭتار مەن 8 اقپان ارالىعىنداعى كەزەڭدە ۋنيۆەرسيادانىڭ كەز كەلگەن قوناعى جەكە ديزايندا جاسالعان Qazkom بىرەگەي تولەم كارتاسىن شىعارۋعا ءمۇمكىندىك الدى. بۇل ءۇشىن بانك ءبولىمشەسىنە بارماي-اق, كارتا شىعارۋعا ءوتىنىشتى ءتىكەلەي ۋنيۆەرسيادا نىساندارىندا تەگىن رەسىمدەۋگە جاعداي جاسالدى. تولەم كارتاسىنا تۇسەتىن بەينەنى اركىم ءوز تالعامىنا ساي تاڭداي الدى. ماسەلەن, وعان ۋنيۆەرسيادانى ەسكە تۇسىرەتىن تانىمال تۇلعانى, اسقار تاۋدى نەمەسە نەگىزگى نىساننىڭ ءوزىن دە ءتۇسىرىپ, بەدەرلەۋگە بولاتىن ەدى.
بىرەگەي ديزاينىنان بولەك, Qazkom كارتالارى ونى ۇستاۋشى يەلەرىنە كەڭ اۋقىمدى مۇمكىندىكتەر ۇسىنا الدى. اتاپ ايتار بولساق, ولاردىڭ قاتارىنا ۋاقىتتى ۇنەمدەۋدەن باستاپ, قىزمەت كورسەتۋ ىڭعايلىلىعى مەن ساۋدا جانە قىزمەت كورسەتۋ كاسىپورىندارىندا تاۋارلار مەن قىزمەتتەرگە تولەم جۇرگىزگەندە تۇسەتىن بونۋستار مەن ۇسىنىلاتىن جەڭىلدىكتەردى دە قوسۋعا بولاتىن ەدى.
Qazkom قازاقستاننىڭ تۋريستىك الەۋەتىن دامىتۋداعى مەملەكەتتىڭ ۇمتىلىسىن قولداي وتىرىپ, الماتىداعى قىسقى ۋنيۆەرسيادا قارساڭىندا جاپوندىق JCB تولەم كارتالارىنا قىزمەت كورسەتە باستادى. بۇل رەسپۋبليكامىزعا كۇنشىعىس ەلىنەن كەلەتىن قوناقتاردى ساپالى قىزمەتپەن قامتاماسىز ەتۋگە مۇمكىندىك بەرەدى. ولار الەمنىڭ ءتۇرلى ەلدەرىنەن كەلەتىن جالپى سانى 30 مىڭنان اساتىن قوناق-جانكۇيەرلەردىڭ قاتارىندا بولدى.
بۇگىنگى تاڭدا Qazkom – Visa, MasterCard, AmericanExpress, Diners Club جانە Union Pay سىندى بارلىق ءىرى حالىقارالىق تولەم جۇيەلەرىمەن بەلسەندى ىنتىماقتاسىپ جۇمىس ىستەيتىن قازاقستانداعى جالعىز بانك. بانك قازاقستانداعى ءىرى بانكوماتتار جەلىسىنە جانە قارجى قىزمەتتەرىنىڭ كەڭ اۋقىمىنا يە, وسىنىڭ ارقاسىندا Qazkom مەملەكەتتىڭ بانك سەكتورىندا كوشباسشى ورىندى الادى جانە 4 ميلليون كليەنتكە قىزمەت كورسەتەدى. بۇگىنگى تاڭدا ەلدەگى كارتوچكالىق تولەمدەردىڭ ءاربىر ەكىنشىسى Qazkom پروتسەسسينگى ارقىلى جۇرگىزىلەدى.
بانك الماتىداعى 28-ءشى قىسقى ۋنيۆەرسيادا جاستاردىڭ جۇرەگىنە ءۇمىت وتىن تۇتاتىپ, ال سپورتشىلارىمىزعا بولاشاق وليمپيا ويىندارىنا قاتىسۋعا جولداما الۋعا مۇمكىندىك بەرەتىن الەمدىك سپورتتىڭ عالامات ءارى ەستە قالارلىق وقيعاسى بولعانىن ماقتانىش ەتەدى. Qazkom ارقاشان سىزدەرگە قىزمەت ەتۋگە دايار. ءار قالاداعى ءوز بولىمشەلەرى مەن ينتەرنەت ارقىلى بارشاڭىزعا ەڭ ساپالى قىزمەت كورسەتۋگە ءازىر.
Qazkom بولىمشەلەرىنىڭ جانە بانكوماتتارىنىڭ كارتاسىن, سونداي-اق, بانكتىڭ ونىمدەرى جانە قىزمەتتەرى تۋرالى تولىق اقپاراتتى qazkom.kz سايتى ارقىلى الۋلارىڭىزعا بولادى.