جاستار جاۋاپكەرشىلىگى جوعارى

ورتالىق كوممۋنيكاتسيالار قىزمەتىندە مەملەكەت باسشىسى نۇرسۇلتان نازارباەۆتىڭ قازاقستان حالقىنا جولداۋىنا ارنالعان ءباسپاسوز ءماسليحاتى ءوتتى. وعان «نۇر وتان» پارتياسى جانىنداعى «جاس وتان» جاستار قاناتىنىڭ توراعاسى دانيار سۇندەتباەۆ, «قازاقستان جاستارى كونگرەسى» زتب اتقارۋشى ديرەكتورىنىڭ رەسمي وكىلى الىشەر تۇرسىن مەن قازاقستان ستۋدەنتتەرى اليانسىنىڭ كوشباسشىسى مەرجان ءابىلحاس قاتىستى. بريفينگتە د.سۇندەتباەۆ ەلباسىنىڭ قازاقستان حالقىنا جولداۋىنداعى تاپسىرمالاردى ىسكە اسىرۋ ءۇشىن ەلىمىزدىڭ بارلىق وڭىرلەرىندە ءتيىستى جۇمىستاردىڭ جاسالىپ جاتقانىن, «جاس وتاننىڭ» ايماقتىق فيليالدارىنىڭ ۇيىمداستىرۋىمەن «ەركىن پىكىر» الاڭى مەن «ۇرپاقتار ساباقتاستىعى» جوباسى اياسىندا 48 كەزدەسۋ وتكىزىلگەنىن اتاپ ءوتتى. سونىمەن بىرگە, ول ەلىمىزدىڭ 14 وبلىس ورتالىعى مەن استانا جانە الماتى قالالارىندا ورنالاسقان بازار­لاردا مەملەكەتتىك ورگاندار مەن ءماسليحات دەپۋتاتتارىنىڭ قاتى­سۋىمەن 36 قابىلداۋ شاراسى بولعانىن, 124 كەزدەسۋ وتكىزىلىپ, وعان جالپى سانى 18 مىڭنان استام ادام قاتىسقانىن ايتتى. كەزدەسۋدە «جاس وتان» جاس­تار قاناتىنىڭ توراعاسى جاس­تار ءۇشىن تاعى ءبىر ماڭىزدى ماسەلەنى اتاپ ءوتتى. ول – وقۋعا تۇسە الماعان تالاپكەرلەردى قولداۋعا ارنالعان شارالار. «قازىرگى كەزدە ءبىز «ءساتتى قادام» جوباسىن جاساپ جاتىرمىز. بۇل جوباعا وقۋعا تۇسە الماعان جاستاردىڭ 50 پايىزى قاتىسا الادى», دەدى د.سۇندەتباەۆ. سونداي-اق, ول الداعى كەزدە قالا مەن اۋىل جاستارىنا ءبىلىم بەرۋ ايىرماشىلىعىن ازايتۋ جۇمىستارىنىڭ دا جاسالاتىنىن جەتكىزدى. كەزدەسۋدە قازاقستان ستۋ­دەنت­تەرى اليانسىنىڭ كوشباس­شىسى مەرجان ءابىلحاس تا جول­داۋ­داعى باعىتتاردى تولىقتاي قول­دايتىندارىن مالىمدەدى. «بۇل – تەك ەلباسىمىزدىڭ قول­داۋى­مەن ىسكە اسقان باعدار­لاما­لار­دىڭ ازعانتاي عانا بولىگى. قازىر ولار ءوز جەمىسىن بەرىپ كەلەدى», – دەدى ول. داستان كەنجالين, «ەگەمەن قازاقستان»