بۇگىن الماتى وبلىسىنىڭ اكىمى اماندىق باتالوۆتىڭ توراعالىعىمەن وبلىستىق اكتيۆتىڭ وتىرىسى ءوتتى. جيىندا باس پروكۋروردىڭ ورىنباسارى ەرلىك كەنەنباەۆ وبلىس اكتيۆىنە الماتى وبلىسىنىڭ جاڭا پروكۋرورى ازامات جىلقىباەۆتى تانىستىردى, دەپ حابارلايدى قازاقپارات.
الماتى وبلىسىنىڭ اكىمى اماندىق باتالوۆ ءبىرىنشى كەزەكتە الماتى وبلىسىنىڭ پروكۋرورى بولعان عابيت ميرازوۆتىڭ 5 جىلدا اتقارعان جۇمىسىنا وڭ باعا بەرىپ, ورتاق مۇددەگە جەتۋ ماقساتىندا بىرلەسە اتقارعان ەڭبەگى ءۇشىن العىسىن ءبىلدىردى.
وتىرىس بارىسىندا ەرلىك ابدىراقىم ۇلى جاڭادان تاعايىندالعان وبلىس پروكۋرورىنىڭ ىسكەرلىك, كاسىبي جانە ادامي قاسيەتتەرىنە جەكەلەي توقتالىپ, ونىڭ پروكۋراتۋرا سالاسىندا ۇزاق جىلدار بويى ەڭبەك ءوتىلىنىڭ بارىن جانە بۇل لاۋازىمدى الىپ جۇرۋىنە تولىقتاي ءبىلىمى مەن بىلىكتىلىگىنىڭ جەتەتىندىگىن اتاپ ءوتتى.
ازامات جىلقىباەۆ 1998-1999 جىلدارى الماتى پروكۋراتۋراسىندا باس مامان بولىپ جۇمىس ىستەگەن. ءار جىلدارى الماتى قالاسىنداعى جەتىسۋ اۋدانىنداعى اۆياتسيالىق كولىك پروكۋراتۋراسىندا پروكۋرور ورىنباسارى قىزمەتتەرىن اتقاردى.
وسى ۋاقىتقا دەيىن الماتى وبلىسى پروكۋرورىنىڭ ءبىرىنشى ورىنباسارى بولعان.
ايتا كەتەيىك, بۇعان دەيىن الماتى وبلىسىنىڭ پروكۋرورى قىزمەتىن اتقارعان عابيت ميرازوۆ الماتى قالاسىنىڭ پروكۋرورى بولىپ تاعايىندالدى.