جاڭا تەحنولوگيالاردىڭ ەنگىزىلۋىنە بايلانىستى ءداستۇرلى سالالاردا ەڭبەك رەسۋرستارى بوساپ قالاتىن بولادى. بۇل تۋرالى نۇرسۇلتان نازارباەۆ ەل حالقىنا ارناعان «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» تاقىرىبىنداعى جولداۋىندا ايتىلعان.
ء"ۇشىنشى كەشەندى مىندەت - ەڭبەك نارىعىن جاڭعىرتۋ. جاڭا تەحنولوگيالاردىڭ ەنگىزىلۋىنە بايلانىستى ءداستۇرلى سالالاردا ەڭبەك رەسۋرستارى بوساپ قالاتىن بولادى. سونىمەن بىرگە, جاڭا يندۋستريا قۇرىپ, دامىتۋ جۇمىسپەن قامتۋدىڭ جانە ازاماتتاردىڭ ناقتى تابىسىن ءوسىرۋدىڭ قوسىمشا مۇمكىندىگى بولۋعا ءتيىس. ۇكىمەت پەن اكىمدەرگە ەڭبەككەرلەردىڭ باسقا سالالارعا باسقارۋ اياسىندا اۋىسۋى ءۇشىن جاعداي جاساۋدى تاپسىرامىن", - دەدى مەملەكەت باسشىسى.
«ءبىزدىڭ ءىرى كاسىپورىندار اكىمدىكتەرمەن بىرلەسە وتىرىپ, ءتيىستى جول كارتالارىن ازىرلەۋى كەرەك. وندا قىسقارتىلاتىن جۇمىسشىلاردى قايتا دايارلاۋ, ولاردى ءارى قاراي جۇمىسپەن قامتۋ ءۇشىن بىرلەسىپ ينۆەستيتسيا سالۋ جايى قاراستىرىلۋى قاجەت. باسى ارتىق جۇمىس كۇشى بار وڭىرلەردەن باسقا جەرلەرگە, سونداي-اق, اۋىلداردان قالالارعا جۇمىس كۇشىن ۇتىمدىلىقپەن تارتۋعا قولداۋ كورسەتۋ كەرەك. ۇكىمەت جۇمىسپەن قامتۋ ورتالىقتارىن رەفورمالاپ, بارلىق بوس جۇمىس ورىندارى مەن بۇكىل ەلدى مەكەندەردە بىرىڭعاي ونلاين پلاتفورما قالىپتاستىرۋى قاجەت», - دەپ اتاپ ءوتتى نۇرسۇلتان نازارباەۆ.