سولتۇستىك قازاقستان وبلىسى بۇكىلالەمدىك 28-ءشى قىسقى ۋنيۆەرسيادا-2017 الاۋ ەستافەتاسىن قابىلدادى, دەپ حابارلايدى «قازاقپارات».
«ءبىزدىڭ وبلىستىڭ نامىسىن 8 سپورتشى قورعايدى. كونكيدەن – رومان كرەچ, فەدور اندرەەۆ, يۆان ارجاننيكوۆ, تاتيانا كليمچۋك, سۆەتلانا مالتسەۆا, ماريا گروموۆا, شاڭعى جارىسىندا – رينات مۋحين, كەرلينگتە – دميتري گاراگۋل. ءبارىمىز جەرلەستەرىمىزگە قولداۋ ءبىلدىرىپ, جەڭىس تىلەيىك!» – دەدى ءوڭىر اكىمى ەرىك سۇلتانوۆ.
ەستافەتا م.قوزىباەۆ اتىنداعى سولتۇستىك قازاقستان مەملەكەتتىك ۋنيۆەرسيتەتىنەن باستالدى. ونى سقو اكىمى ەرىك سۇلتانوۆ جانە م.قوزىباەۆ اتىنداعى سقمۋ رەكتورى سەرىك ومىربەكوۆ جاقتى.
60 الاۋگەر ۋنيۆەرسيادا الاۋىن پەتروپاۆلدىڭ باستى كوشەلەرىمەن الىپ وتەدى. ولار 12 شاقىرىم جول جۇرەدى. ەستافەتا ەكى كەزەڭگە بولىنگەن جانە سپورت سارايىندا اياقتالادى.