الماتىنىڭ «قايرات» فۋتبول كلۋبى جاقىن ارادا ەكىنشى وقۋ-جاتتىعۋ جيىنىن باستايدى. بۇل تۋرالى sports.kz حابارلادى.
بۇگىن تاڭەرتەڭگىسىن كوماندا ويىنشىلارى, جاتتىقتىرۋشىلار القاسى, اكىمشىلىك قىزمەتكەرلەرى تۇركياعا اتتانىپ كەتتى. وقۋ-جاتتىعۋ جيىنى 8 اقپانعا دەيىن سوزىلادى. وسى ۋاقىت ارالىعىندا ءتورت جولداستىق كەزدەسۋ جوسپارلانىپ وتىر. قارسىلاستارى جايلى ازىرگە بەلگىسىز.
العاشقى جيىن ءدال وسى ەلدە 5-19 قاڭتار ارالىعىندا ۇيىمداستىرىلعان.
ايتا كەتەيىك, ەلىمىزدە فۋتبول ماۋسىمى قر سۋپەركۋبوگىنىڭ ويىنىمەن باستالادى. الماتىنىڭ «ورتالىق» ستاديونىندا «قايرات» پەن «استانا» كەزەكتى رەت كۇش سىناسادى.