«ليۆەرپۋل» كومانداسىنىڭ بۇرىنعى كاپيتانى ستيۆەن دجەررارد كلۋبتىڭ جاستار ۇجىمىنا جاتتىقتىرۋشى بولعاننان كەيىن ارمانى جايلى ايتىپ بەردى. بۇل تۋرالى eurosport.ru حابارلادى.
«مۇنداي جاۋاپتى قىزمەتكە ورنالاسقانىما ازداپ قوبالجىپ ءجۇرمىن. ءالى ۇيرەنەرىم كوپ, سوندىقتان باپكەر رەتىندە دامۋ ءۇشىن قولىمنان كەلگەننىڭ بارىن جاسايمىن. كۇندەردىڭ ءبىرىندى كوزى قاراقتى جاتتىقتىرۋشىلاردىڭ ءبىرى نەمەسە باس جاتتىقتىرۋشى بولسام دەيمىن. «ليۆەرپۋلدىڭ» نەگىزگى قۇرامىنا جەتەكشىلىك ەتۋ, شاماسى مەنىڭ ۇلكەن ارمانىمنىڭ ءبىرى بولار. بىراق ول كۇنگە جەتۋ ءۇشىن ءالى تالاي سىننان ءوتىپ, شىڭدالۋىم قاجەت», – اعىلشىن فۋتبولشىسى.
ال جانكۇيەرلەردىڭ ىستىق ىقىلاسىنا بولەنگەن «قىزىلداردىڭ» باس باپكەرى يۋرگەن كلوپپ ونىڭ بۇل ارمانىنا جەتۋ ءۇشىن, بىلىكتى مامان يەسى اتانۋ ءۇشىن كومەكتەسەتىنىن ايتتى.
«ستيۆەن ەكەۋىمىز ۇزاق اڭگىمەلەستىك. ەڭ ءبىرىنشى ونىڭ باستى ماقساتىن بىلگىم كەلدى. ول ويلانباستان فۋتبولدا وزىندىك ورنىن قالىپتاستىرعان جاتتىقتىرۋشى بولۋدى ارماندايتىنىن ايتتى. جۇرت ونىڭ قانداي فۋتبولشى ەكەنىن جاقسى بىلەدى. ال ەندى جاڭا جولدا وعان بىلگەنىمنىڭ ءبارىن ۇيرەتۋگە ۋادە بەرەمىن», – دەدى كلوپپ.
ايتا كەتەيىك, فۋتبولشىلىق عۇمىرىن ءدال وسى كلۋبتان باستاعان دجەررارد 18 جىلدىڭ ىشىندە 710 ماتچقا قاتىسىپ, 185 گولدىڭ اۆتورى اتانعان.