كەشە پارلامەنت سەناتىنىڭ توراعاسى قاسىم-جومارت توقاەۆ ەقىۇ/دياقب-نىڭ قازاقستان رەسپۋبليكاسىنداعى پرەزيدەنتتىك سايلاۋدى بايقاۋ جونىندەگى ميسسياسىنىڭ باسشىسى, ەلشى داان ەۆەرتستى قابىلدادى. كەزدەسۋ بارىسىندا الداعى قازاقستاندا بولاتىن پرەزيدەنتتىك سايلاۋدىڭ ماسەلەلەرى تالقىلاندى, دەپ حابارلادى پارلامەنت سەناتىنىڭ ءباسپاسوز قىزمەتى.
سەنات باسشىسى «قازاقستان بيلىگى پرەزيدەنتتىك سايلاۋ حالىقارالىق ستاندارتتارعا ساي ادال جانە ادىلەتتى ءوتۋى ءۇشىن بارلىق مۇمكىندىكتى جاسايتىن بولادى», – دەپ اتاپ ءوتتى.
سەنات توراعاسى الداعى سايلاۋعا ەقىۇ پارلامەنتتىك اسسامبلەياسى تاراپىنان بايقالعان ەلەۋلى ىقىلاسقا جۇزدەسۋشىنىڭ نازارىن اۋداردى. 70 ادامنان تۇراتىن ەقىۇ پا بايقاۋشىلار ميسسياسىن حورۆاتيا پارلامەنتىنىڭ دەپۋتاتى, بەلگىلى ساياسي جانە قوعام قايراتكەرى تونينو پيتسۋلا باسقارادى.
ەلشى سايلاۋالدى جاعداي تۋرالى ميسسيانىڭ ارالىق ەسەبىن ۇسىندى. ق.توقاەۆتىڭ پىكىرىنشە, بۇل قۇجات ءبىزدىڭ ەلىمىزدەگى سايلاۋ ناۋقانىن شىنايى كورسەتەدى.