19 ناۋرىزدا مەملەكەت باسشىسى نۇرسۇلتان نازارباەۆ «استانا قالاسىنىڭ باس جوسپارى عزجي» مكك-دە بولدى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى.
پرەزيدەنت استانا قالاسىنىڭ 2011-2014 جىلدارعا ارنالعان تۇرعىن ءۇي قۇرىلىسىن دامىتۋ مەملەكەتتىك باعدارلاماسىن ىسكە اسىرۋدا قالا قۇرىلىسىنىڭ اسپەكتىلەرىمەن جانە استانانىڭ تۇرعىن ۇيلەر سالىناتىن پەرسپەكتيۆالى اۋداندارىن دامىتۋ جونىندەگى ۇسىنىستارمەن تانىستى.
استانا قالاسىنىڭ اكىمى ي.تاسماعامبەتوۆ مەملەكەت باسشىسىن قازاقستان تاريحى مۇراجايىنىڭ جۇمىس بابىنداعى جوبالاۋ ماتەريالدارىمەن, استانا قالاسىنداعى «قالا ساعاتى» نىسانى جوباسىنىڭ ەسكيز-يدەياسى بويىنشا ۇزدىك بايقاۋ ماتەريالىمەن تانىستىردى.
پرەزيدەنت سونداي-اق «ماڭگى ەل» ەۋرازيالىق قوعامدىق-مادەني ورتالىقتىڭ جوباسىمەن تانىستى. «مىڭجىلدىق» كەشەنى ماڭىنا قازاقستان دامۋىنىڭ تاريحي كەزەڭدەرىن بەينەلەيتىن قوعامدىق, تۇرعىن ءۇي جانە مادەني-ويىن-ساۋىق نىساندارىن ورنالاستىرۋ تۋرالى ۇسىنىستار ايتىلدى.
نۇرسۇلتان نازارباەۆ قازاقستان رەسپۋبليكاسى تاۋەلسىزدىگىنىڭ 20 جىلدىعىنا ارنالعان مونۋمەنت جوباسىنىڭ جۇمىس بابىنداعى ماتەريالدارىمەن, استانا قالاسىندا قازاقستان رەسپۋبليكاسى تاۋەلسىزدىگىنىڭ 20 جىلدىعىنا ارنالعان ينجەنەرلىك عيماراتتاردى قايتا قالپىنا كەلتىرۋ, بەلگىلى نىسانداردى ورنالاستىرۋ تۇجىرىمداماسىنىڭ ماتەريالدارىمەن تانىسىپ شىقتى.