24 ناۋرىزدا قازاقستان رەسپۋبليكاسىنىڭ مەملەكەتتىك حاتشىسى – سىرتقى ىستەر ءمينيسترى قانات ساۋداباەۆ ەۋروپالىق وداقتىڭ ورتالىق ازيا ەلدەرى جانە گرۋزيا بويىنشا ارنايى وكىلى پەر مورەلدى قابىلدادى.
تاراپتار قازاقستان – ورتالىق ازيا – ەۋروپالىق وداق پىشىنىندەگى قارىم-قاتىناستىڭ قازىرگى كۇيى مەن پەرسپەكتيۆالارىن, اعىمداعى جىلداعى قازاقستان – ەۋروپالىق وداق ساياسي ۇنقاتىسۋىنىڭ باسىمدىعى مەن ماقساتتارىن, ەلىمىزدىڭ «ەۋروپاعا جول» مەملەكەتتىك باعدارلاماسىنىڭ جانە ەۋروپالىق وداقتىڭ ورتالىق ازياداعى ستراتەگياسىنىڭ ىسكە اسىرىلۋىن, ەنەرگەتيكا مەن قورشاعان ورتانى قورعاۋ سالاسىنداعى ماسەلەلەرىن تالقىلادى. ەرەكشە نازار قازاقستاننىڭ 2010 جىلعى ەقىۇ-عا توراعالىعىنىڭ قورىتىندىسىنا جانە قازاقستان – ەو اراسىنداعى جاڭا نەگىزدەمەلىك كەلىسىمدى جاساسۋ ماسەلەسىنە اۋدارىلدى.
ق. ساۋداباەۆ اتاپ كورسەتكەندەي, قازىرگى تاڭدا قازاقستان الدا وتەتىن كەزەكتەن تىس پرەزيدەنتتىك سايلاۋدى حالىقارالىق ستاندارتتارعا ساي وتكىزۋگە ۇلكەن كوڭىل بولۋدە.
تاراپتار سونداي-اق وزەكتى ايماقتىق جانە حالىقارالىق ماسەلەلەر بويىنشا كەڭ اۋقىمدى پىكىر الماستى, دەپ حابارلادى قر ءسىم-ءىنىڭ ءباسپاسوز قىزمەتى.