شىعىس حالىقتارىنىڭ جاڭا جىلى قىزىلجار وڭىرىندە ءوز مانىندە اتالىپ ءوتتى. ءاز ناۋرىز وبلىس ورتالىعىنىڭ بارلىق شاعىن اۋداندارىن قامتىدى. ورتالىق الاڭدا وتكەن مەرەكەلىك جيىندا وبلىس اكىمى سەرىك ءبىلالوۆ بيىل ۇلىق مەرەكەنىڭ ۇلتتىق ناقىشتا وتۋىنە ۇلكەن ءمان بەرىلگەنىن اتاپ كورسەتسە, بەلگىلى اقىن-جەرلەسىمىز كاكىمبەك سالىقوۆ جىردان شاشۋ شاشتى. تويعا رەسەيدەن اعايىندارىمىز ارنايى كەلدى.
ناۋرىزدىڭ كورىگىن اقىندار ايتىسى قىزدىردى. ىرىكتەلىپ شىققان بەس جۇپ اراسىنان رەسپۋبليكالىق دودالاردا جارقىراپ كوزگە ءتۇسىپ جۇرگەن كوكشەتاۋلىق الىبەك سەرعاليەۆ باس جۇلدەنى جەڭىپ الدى. پەتروپاۆلدىق ستۋدەنت جارقىن جۇپارحانعا ءبىرىنشى ورىن بۇيىردى. ەكىنشى ورىنداردى ەسىلدىك جۇمابەك راحىموۆ پەن ع.مۇسىرەپوۆ اۋدانىنىڭ نامىسىن قورعاعان قۇرمەت قۇرالحان ءبولىستى. جەڭىمپازدار مەن جۇلدەگەرلەرگە باعالى سىيلىقتار تاپسىرىلدى.
ءومىر ەسقالي, سولتۇستىك قازاقستان وبلىسى.