16 ناۋرىزدا قازاقستان رەسپۋبليكاسىنىڭ مەملەكەتتىك حاتشىسى – سىرتقى ىستەر ءمينيسترى قانات ساۋداباەۆ قىرعىز رەسپۋبليكاسىنىڭ پرەزيدەنتى روزا وتۋنباەۆامەن تەلەفون ارقىلى سويلەستى, دەپ حابارلادى قر ءسىم-ءىنىڭ ءباسپاسوز قىزمەتى.
اڭگىمە بارىسىندا ەكىجاقتى قارىم-قاتىناستىڭ كەڭ اۋقىمدى ماسەلەلەرى تالقىعا سالىنىپ, ورتالىق ازياداعى جاعداي تۋرالى پىكىر الماسىلدى. تاراپتار قىرعىزستانعا الەۋمەتتىك-ەكونوميكالىق كومەك كورسەتۋ جونىندەگى جوعارى دەڭگەيدەگى كەلىسىمدەردىڭ جۇزەگە اسۋ بارىسىن قاراستىردى.
ءوز كەزەگىندە ر. وتۋنباەۆا قازاقستان پرەزيدەنتى ن. نازارباەۆقا تۇراقتى جاردەم مەن قولداۋى ءۇشىن, سونىمەن قاتار, قازاقستان تجم ارنايى ۇشاعىنىڭ كومەگىمەن 15 ناۋرىزدا قىرعىزستان ازاماتتارىن جاپونيادان الىپ شىعارعانى ءۇشىن العىسىن ءبىلدىردى.
تاراپتار كوپجاقتى پىشىندەگى ءوزارا ىقپالداستىق ماسەلەسىن, اسىرەسە, قازاقستان توراعالىق ەتەتىن شىۇ شەڭبەرىندە استانادا وتەتىن ۇيىمنىڭ مەرەيتويلىق سامميتىنە دايىندىق بارىسىن ءسوز ەتتى.