قىتايلىق ينتەرنەت-رەتەيلەر AliExpress SPSR كومپانياسى ارقىلى رەسەيگە جەدەل تاسىمال جاساۋدى توقتاتتى. بۇل ماسەلە كەدەندىك راسىمدەۋمەن بايلانىستى تۋىنداپ وتىر, دەپ حابارلايدى تاسس اگەنتتىگى.
تاۋارلارىن اتالمىش جۇيە ارقىلى ساۋدالايتىن ازاماتتار بۇل ماسەلە جونىندە جازباشا تۇردە حابارلادى. «بۇگىنگى كۇننەن باستاپ, اتالمىش الاڭ كوممەرتسيالىق ماقساتتاعى جەدەل-تاسىمالداردى جۇزەگە اسىرمايدى. ولار «قىتاي-رەسەيلىك تاسىمال - SPSR» جانە «AliExpress الاڭسىز تاۋار تاسىمالى - ءبىرىنشى كەزەكتە» اتتى جۇيەلەردىڭ رەسەي ارقىلى باعىتىن رەسەيلىك كوممەرتسيالىق تاۋار تاسىمالى جۇيەسى جۇمىسىن رەتتەگەنشە, توقتاتتى»,-دەلىنگەن حابارلامادا.
جەلتوقسان ايىنىڭ سوڭىندا جۇيەنى پايدالانۋشىلار شەتەلدەن تاپسىرىس بەرىلگەن تاۋارلاردىڭ جاپپاي كەشىگۋىنە شاعىمدانعان بولاتىن. كوپتەگەن ساتىپ الۋشىلاردىڭ مالىمەتتەرىنشە, تاپسىرىستار اپتالاپ ۆنۋكوۆو كەدەن بەكەتىندە جاتادى. بۇل قيىندىقتاردى كاسىپكەرلەردىڭ 11 قاراشا كۇنى ۇيىمداستىرعان جاپپاي جەڭىلدىكپەن ساتىلىم جۇرگىزۋ شاراسىمەن بايلانىستىرىپ وتىر.