كەشە قازاقستان پرەزيدەنتتىگىنەن ۇمىتكەر عاني قاسىموۆ الماتىداعى 28 پانفيلوۆشىلار ساياباعىندا ۇلى وتان سوعىسىندا قازا تاپقان بوزداقتارعا ارنالعان ماڭگىلىك الاۋ مەن اۋعانستان جانە باسقا ەلدەر اۋماعىندا اسكەري ءىس-قيمىل كەزىندە قازا تاپقان قازاقستاندىق جاۋىنگەرلەر ەسكەرتكىشىنە گۇل شوقتارىن قويىپ, ءتاجىم ەتتى.
سول ارادا ول قازىرگى كەزدە ەلىمىزدىڭ جاستارىنا بەرىلەر اسكەري-پاتريوتتىق تاربيەنىڭ ءمان-ماڭىزىنا توقتالا كەلە, بۇل ماسەلە ءوزىنىڭ سايلاۋ الدىنداعى ساياسي تۇعىرناماسىندا ۇلكەن ورىن الاتىندىعىن ايتتى. ءبىز ءوز تاريحىمىزدى, ەرلىك رۋحىمىزدى, ەلىمىزدى جاۋدان قورعاعان, قىرشىن جاستاي كەتكەن بوزداقتارىمىزدى ۇمىتپاي, سولاردىڭ ونەگەسىن ءارقاشان ەسىمىزدە ۇستاۋىمىز كەرەك. سول سۇراپىل سوعىستا ءبىزدىڭ اكەلەرىمىز بەن اتالارىمىز جارتى دۇنيەنىڭ ازاتتىعىن قورعاپ قالعان. رەسەي پرەزيدەنتى وتكەن جىلى ءبىزدىڭ قازاقستاندىق 100-ءشى جانە 101-ءشى بريگادالاردىڭ سوعىستاعى ەرلىگىنە قۇرمەتىن ءبىلدىرىپ, ۇلكەن كەسەنە ورناتقانى تەگىن ەمەس. ءبىز ءوز جاستارىمىزدى وسىنداي ەرلىك ءداستۇرلەرىندە تاربيەلەۋىمىز كەرەك. سونداي-اق وسى ۇلى وتان سوعىسىنىڭ, اۋعانستان سوعىسىنىڭ جانە وتان قورعاۋ ورايىنداعى باسقا دا اسكەري تاپسىرمالاردى ورىنداعان ءبىر كەزدەگى وت كەشكەن ورەڭدەردىڭ قازىرگى الەۋمەتتىك, زەينەتاقىلىق, تۇرمىستىق جاعدايى ءاردايىم ءبىزدىڭ قوعامنىڭ, بيلىكتىڭ, ۇكىمەتتىڭ نازارىندا بولۋى مىندەت, دەپ ساباقتادى ءسوزىن ۇمىتكەر.
بۇدان كەيىنگى اڭگىمە وفيتسەرلەر ۇيىندە, زاپاستاعى اسكەري قىزمەتشىلەر وداعىنىڭ كەڭسەجايىندا جالعاستى. وداق ءتوراعاسى, گەنەرال-مايور ايتقالي ەسەنعۇلوۆ 30 مىڭ ادامدىق وتستاۆكاداعى وفيتسەرلەر قوسىنى پاتريوتتار پارتياسىنىڭ جاقتاسى ەكەندىگىن تىلگە تيەك ەتتى.
ا.ەسەنعۇلوۆتىڭ, دامانسك وقيعاسىنا قاتىسۋشى وفيتسەر ۆيكتور بارسۋكوۆتىڭ ايتۋىنشا, قازىرگى تاڭدا زاپاستاعى اسكەريلەردىڭ تىرشىلىككە تىرەلەر ءتۇيتكىلدەرى از ەمەس كورىنەدى. ولاردىڭ زەينەتاقىلارىن اۆتوماتتى تۇردە يندەكساتسيالاپ تۇرۋ, ەرەكشە جاعدايداعى جۇمىستارى ءۇشىن وتەمدىك جەڭىلدىكتەر بەلگىلەۋ, وفيتسەر مارتەبەسىن انىقتايتىن «ارداگەرلەر تۋرالى» زاڭ ءالى كۇنگە قابىلدانباۋى شەشىلمەگەن ماسەلەلەر قاتارىندا اتالدى. اۋعان سوعىسىنىڭ ارداگەرى, زاپاستاعى پولكوۆنيك جۇماجان ەرعاليموۆ اۋعان سوعىسىنا قاتىسۋشىلارىڭ مارتەبەسى ءالى كۇنگە ايقىنداپ انىقتالماعاندىعىنا توقتالدى. اۋعاندىقتارعا بەرىلىپ وتىرعان جەڭىلدىكتەر تىم ماردىمسىز.
ەندىگى ءبىر تۇيتكىلدى جاعداي سول, وفيتسەرلەر ءۇيىنىڭ ءمارمار عيماراتى قازىر, شىنتۋايتتاپ كەلگەندە, وفيتسەرلەرگە تيەسىلى ەمەس, الدەبىر اكتسيونەرلىك قوعامعا جالعا بەرىلىپتى. وفيتسەرلەر ءوز مەرەيتويلارىن, مەرەكەلەردى, جەرلەۋ راسىمدەرىن مۇندا وتكىزە الماي, باسقا مەكەمەلەردىڭ تابالدىرىعىن توزدىرۋعا ءماجبۇر. وسى جانە جوعارىدا اتالعان باسقا دا جايلاردى پرەزيدەنتتىكتەن ۇمىتكەر عاني قاسىموۆ الداعى ۋاقىتتا ءوز نازارىندا ۇستايتىندىعىن ءمالىمدەدى.
قورعانبەك امانجول.
الماتى.