قوبدا اۋداندىق مادەنيەت ءۇيى جانىنان اشىلعان فيتنەس-كلۋبتىڭ باستى ەرەكشەلىگى – بىرىڭعاي ايەلدەرگە ارنالعاندىعىندا. فيتنەس-كلۋب اشۋدى بۇدان ەكى جىل بۇرىن اۋدان اكىمى ليۋبوۆ يسماعامبەتوۆا ۇسىنعان. يگى باستامانىڭ جۇزەگە اسۋىنا اۋداندىق مادەنيەت جانە تىلدەردى دامىتۋ ءبولىمىنىڭ باستىعى ايگۇل جۇماعۇلوۆا مۇرىندىق بولدى.
سپورت-ساۋىقتىرۋ نىسانى اشىلعان كۇنى-اق 20 ايەل كلۋبقا اقىسىن تولەپ, جاتتىعۋعا تىلەك ءبىلدىردى. اپتاسىنا ەكى رەت ءبىر ساعاتتان وتەتىن جاتتىعۋلارعا اۋىل ايەلدەرى ەرەكشە قىزىعۋشىلىق تانىتىپ وتىر. جاتتىعۋ زالىنداعى قۇرالداردى ساتىپ الۋعا 236 مىڭ تەڭگە قاراجات جۇمسالعان.
ساتىبالدى ءساۋىرباي.
اقتوبە وبلىسى.