...وركەستر تۇساۋ كەستى
بۇعان دەيىن وبلىس مادەنيەتى مەن ونەرىندەگى «ءبىر كەم دۇنيە» – ۇلتتىق اسپاپتىق وركەسترى بولىپ كەلگەن. كوپ جىلداردان بەرگى ىزدەنىس ءوز ناتيجەسىن بەرىپ, جاقىندا وبلىستىق فيلارمونيانىڭ جانىنان جاڭا ۇلتتىق اسپاپتار وركەسترى دۇنيەگە كەلدى. الپىستان استام تالانتتى ونەر قايراتكەرلەرىنەن تۇراتىن ونەر ۇجىمىنا بەلگىلى ديريجەر ك.سەرىمبەتوۆ پەن م.راحمانقۇلوۆ جەتەكشىلىك ەتۋدە.
وبلىس كورەرمەندەرى مەن قوناقتارى ناۋرىز مەرەكەسى قارساڭىندا وركەستردىڭ ورىنداۋىندا تۇركەشتىڭ «كوڭىلاشار», قۇرمانعازىنىڭ «سەرپەر», «بالبىراۋىن», نۇرعيسا تىلەنديەۆتىڭ «القيسسا», «ماحاببات», ىقىلاستىڭ «جەزكيىك» جانە ءابدىمومىن جەلدىباەۆتىڭ «ەركە سىلقىم» دەپ اتالاتىن كۇيلەرىن سۇيسىنە تىڭدايتىن بولادى.
كوسەمالى ساتتىباي ۇلى.
جامبىل وبلىسى.
* * *
...رەكتور جۇمىسقا كىرىستى
ءبىلىم جانە عىلىم مينيسترلىگىنىڭ بۇيرىعىمەن وبلىس ورتالىعىنداعى مەملەكەتتىك پەداگوگيكالىق ينستيتۋتىنىڭ رەكتورى بولىپ پەداگوگيكا عىلىمدارىنىڭ دوكتورى, پروفەسسور تاحير بالىقباەۆ تاعايىندالدى. وبلىس ورتالىعىنداعى پەداگوگيكالىق ينستيتۋت وسىدان ون جىلداي ۋاقىت بۇرىن اشىلعان بولاتىن. قازىر مۇندا 10 مىڭداي ستۋدەنت ءبىلىم الۋدا.
جاڭا رەكتور بۇعان دەيىن ءبىلىم جانە عىلىم مينيسترلىگىنىڭ ءبىلىم بەرۋدىڭ مەملەكەتتىك ستاندارتتارى مەن تەستىلەۋدىڭ ۇلتتىق ورتالىعىنىڭ ديرەكتورى, عىلىم سالاسىنداعى باقىلاۋ جانە اتتەستاتتاۋ كوميتەتىنىڭ توراعاسى سياقتى قىزمەتتەر اتقارعان. پروفەسسور تاحير بالىقباەۆتىڭ جۇزدەن استام عىلىمي ەڭبەگى, ارنايى جازعان وقۋ-ادىستەمەلىك قۇرالدارى, مونوگرافيالارى بار.
فاريدا بىقاي.
پاۆلودار.
* * *
...جۋرنال جارىق كوردى
وبلىستا قازاق جانە ورىس تىلدەرىندەگى «بىلەزىك» قوعامدىق-ساياسي, ادەبي-كوركەم ءتۇرلى-ءتۇستى جۋرنالىنىڭ تۇساۋكەسەر سانى جارىق كوردى. ونىڭ قۇرىلتايشىسى – «شامشىراق-اقتوبە» جشس. جۋرنالدىڭ العاشقى بەتىندە وبلىس اكىمىنىڭ ورىنباسارى سارا نۇرقاتوۆانىڭ جاڭا باسىلىمعا قۇتتىقتاۋ تىلەگى باسىلعان. ول جۋرنالدىڭ وقىرمانداردىڭ ناعىز سىرلاسىنا اينالاتىندىعىنا, ەلىمىزدە اتقارىلىپ جاتقان ۇلى ىستەرگە ەلەۋلى ۇلەس قوسىپ كەلە جاتقان انالارىمىز بەن اپا-قارىنداستارىمىزدىڭ ۇلگىلى ىستەرىنىڭ جارشىسى بولارىنا سەنىم ارتادى.
ەلىمىزدىڭ اۋماعىنا تاراتىلاتىن جۋرنالدىڭ العاشقى سانى ازىرگە 2000 دانامەن جارىق كورگەن. ودان وڭىردەگى اياۋلى انالار مەن ءتۇرلى سالادا قاجىرلى ەڭبەك ەتىپ جۇرگەن قىز-كەلىنشەكتەر تۋرالى مول ماعلۇماتتار الۋعا بولادى.
ساتىبالدى ءساۋىرباي.
اقتوبە.