فورۋم جۇمىسى 26 قىركۇيەكتە 11:00 ساعاتتا «Rixos President Astana» قوناقۇيىندە باستالادى.
اۋقىمدى شارانىڭ ماقساتى – يىۇ-عا مۇشە-مەملەكەتتەردىڭ ءبىلىم جانە عىلىمي الەۋەتىن دامىتۋ سالاسىندا ارىپتەستىكتى نىعايتۋ. سونىمەن قاتار, يىۇ-عا مۇشە-مەملەكەتتەردىڭ ەكونوميكاسى ءۇشىن ۇزدىك تەحنولوگيالاردى ەنگىزۋ, عىلىمدى دامىتۋعا ىقپال ەتۋ, بىلىمگە نەگىزدەلگەن قوعام قۇرۋ ماسەلەلەرى دە پارلامەنتشىلەر نازارىنان تىس قالماۋعا ءتيىس. سونداي-اق, ۇلتتىق يننوۆاتسيا جۇيەسىن نىعايتۋ, عىلىمي-تەحنيكالىق دامۋ ءۇشىن جۇيەلىك موتيۆاتسيا تەتىكتەرىن قوسۋ باعىتتارىنا دا باسىمدىق بەرىلەدى.
فورۋم اياسىندا ءبىلىم, عىلىم جانە مادەنيەت ماسەلەلەرى جونىندەگى يسلام ۇيىمىنىڭ (يسەسكو) «ۇيىمعا مۇشە جانە مۇشە ەمەس مەملەكەتتەرىندە عىلىم, تەحنولوگيا جانە يننوۆاتسيا سالالارىندا نورماتيۆتىك-قۇقىقتىق بازا جانە ىنتالاندىرۋشى شارالار» باعىتىنداعى زەرتتەۋلەرىنىڭ تانىستىرىلىمىن وتكىزۋ كوزدەلگەن.
فورۋمعا 25 ەلدىڭ پارلامەنت وكىلدەرى مەن ساراپشىلارى, سونداي-اق, حالىقارالىق ۇيىمداردىڭ مۇشەلەرى قاتىسادى دەپ كۇتىلۋدە.
اسا ماڭىزدى شارانىڭ ۇيىمداستىرۋشىلارى: قازاقستان رەسپۋبليكاسى پارلامەنتىنىڭ ءماجىلىسى, ءبىلىم, عىلىم جانە مادەنيەت ماسەلەلەرى بويىنشا يسلام ۇيىمى (يسەسكو) جانە يسلام دامۋ بانكى (يدب).
فورۋم قورىتىندىسى بويىنشا استانا دەكلاراتسياسى قابىلدانباق.