جاڭا جولداۋدىڭ جانىمىزعا جاقىن, قۋانا قۇپتايتىن جاڭالىعى – تىلدەردى دامىتۋعا ەرەكشە كوڭىل ءبولىنۋى. بۇل ءجونىندە ارنايى تاراۋ بەرىلگەن. «ءبىزدىڭ مىندەتىمىز 2017 جىلعا قاراي مەملەكەتتىك ءتىلدى بىلەتىن قازاقستاندىقتار سانىن 80 پايىزعا دەيىن جەتكىزۋ. ال 2020 جىلعا قاراي ولار كەمىندە 95 پايىزدى قۇراۋى ءتيىس. ەندى ون جىلدان كەيىن مەكتەپ ءبىتىرۋشىلەردىڭ 100 پايىزى مەملەكەتتىك ءتىلدى ءبىلىپ شىعاتىن بولادى», دەپ ناقتى اتاپ كورسەتىلدى.
بۇل – جاۋاپكەرشىلىگى مول ۇلكەن مىندەت. ونىڭ ويداعىداي ورىندالۋىنا قازاقستاندىق ءاربىر ازاماتتىڭ ىقىلاسى مەن ىنتاسى, ۇيىمشىلدىعى قاجەت. مۇنى مەملەكەتتىك ءتىل جاناشىرلارىنا دەگەن شىنايى قامقورلىق پەن قولداۋ دەپ باعالاۋعا ءتيىسپىز. وسى مۇمكىندىكتى باعامداي, باعالاي, ورىندى پايدالانا ءبىلۋىمىز قاجەت.
ارينە, 95 پايىزدان استام جەرگىلىكتى ۇلت وكىلدەرى تۇراتىن سىر وڭىرىندە جولداۋدا بەلگىلەنگەن مىندەت قازىردىڭ وزىندە ورىندالىپ تا وتىر. دەگەنمەن, بارلىق مەكەمەلەردە ءىس قاعازدارىن مەملەكەتتىك تىلدە ءجۇرگىزۋدە, ۇلتتىق سالت-داستۇرلەردى جاڭا تالاپقا ساي ورىستەتۋدە جەتىلدىرە تۇسەتىن جايلار دا جەتكىلىكتى. سوندىقتان الداعى ۋاقىتتا دا ءتىلدى دامىتۋداعى يگى شارالاردىڭ ورىستەي بەرەتىنىنە سەنەمىز.
ماحمۇتباي امىرە ۇلى, «سىر مەكتەبى» گازەتىنىڭ باس رەداكتورى.
قىزىلوردا.