ەرەكشە ماڭىزدى ساپار

كەشە كەشكە جاقىن قازاقستان رەس­پۋب­ليكاسىنىڭ پرەزيدەنتى نۇر­سۇلتان نازارباەۆ مەملەكەتتىك ساپارمەن قى­تاي حالىق رەسپۋبليكاسىنىڭ استاناسى پەكين قالاسىنا كەلدى. ەلباسى باس­تا­عان قازاقستاندىق دەلەگاتسيا قۇرامىن­دا مەملەكەتتىك حات­شى – سىرتقى ىستەر ءمينيسترى قانات ساۋداباەۆ, پرەمەر-ءمينيستردىڭ ءبىرىنشى ورىنباسارى ءومىر­زاق شوكەەۆ, «سامۇرىق-قازىنا» ۇلت­تىق ءال-اۋقات قورىنىڭ باسقارما ءتور­اعا­سى قايرات كەلىمبەتوۆ, قازاقستان رەسپۋبليكاسى پرەزيدەنتىنىڭ حالىق­ارا­لىق ماسە­لەلەر جونىندەگى كو­مەك­شىسى نۇرلان ەرمەكباەۆ, قازاق­ستان­نىڭ قى­تاي حالىق رەسپۋبليكا­سىن­داعى ەلشىسى يكرام ادىربەكوۆ, باس پروكۋرور قاي­رات ءمامي, ۇلتتىق قاۋىپ­سىزدىك كومي­تە­تى­نىڭ توراعاسى نۇر­تاي ءابى­قاەۆ, قا­زاق­ستان­ رەسپۋب­لي­كاسى پرە­زي­دەنتىنىڭ ەكو­نوميكا ءما­سەلەلەرى جونىندەگى كومەك­شىسى باقىت سۇل­تانوۆ, قورعانىس ءمينيسترى ءادىل­بەك جاقسىبەكوۆ, قورشاعان ورتانى قورعاۋ ءمينيسترى نۇرعالي ءاشى­موۆ, پارلامەنت سەناتى حالىقارالىق قا­تىناستار, قورعانىس جانە قاۋىپ­سىزدىك كوميتەتىنىڭ توراعاسى قۋا­نىش سۇل­تانوۆ, پارلامەنت ءما­جىلىسىنىڭ دە­پۋتاتى, اكادەميك  كەن­جە­عا­لي سا­عا­ديەۆ بار.

پەكين اۋەجايىنا كەلىپ قونعان ۇشاقتان ەلباسىن قىتاي حالىق رەس­پۋبليكاسىنىڭ سىرتقى ىستەر ءمينيسترى يان تسزەچي باستاعان وسى ەلدىڭ بىرقاتار لاۋازىمدى تۇلعالارى قارسى الدى. جايىلعان كىلەمدى جاعالاي قۇرمەتتى قاراۋىل ساپقا تۇردى. وسى كۇنى ەلباسى ءوزى تۇسكەن قى­تايدىڭ مەملەكەتتىك «دياويۋيپاي» رەزي­دەنتسياسىندا حۋ تسزينتاومەن بەيرەسمي كەزدەستى. وعان ەكى جاقتان ءبىر­قاتار لاۋا­زىمدى تۇلعالار قاتىستى. كەزدەسۋدەن كەيىن قىتاي حالىق رەسپۋب­لي­كاسىنىڭ توراعاسى حۋ تسزينتاو قازاقستان رەس­پۋب­ليكاسىنىڭ پرەزيدەنتى نۇرسۇلتان نازارباەۆقا كەشكى قوناقاسى بەردى. قىتاي جاعى ەلباسىنىڭ بۇل ساپا­رىنا ەرەكشە ءمان بەرۋدە. مەملەكەتتىك ساپاردىڭ رەسمي بولىگى بۇگىن باستالادى.

سۇڭعات ءالىپباي – پەكيننەن.

سۋرەتتەردى تۇسىرگەندەر س.بوندارەنكو, ب.وتارباەۆ.