العاشقى كانديدات تىركەلدى

سايلاۋ زاڭناماسىنا سايكەس قا­زاقستان رەسپۋبليكاسى پرەزيدەنتتىگىنە كانديدات وبلىستاردىڭ كەم دەگەندە ۇشتەن ەكىسىنىڭ, استانا مەن ال­ماتى قالالارىنىڭ اتىنان تەڭ­دەي وكىلدىك ەتەتىن ساي­لاۋشىلاردىڭ جالپى سانىنىڭ كەم دەگەندە 1 پايىزدىق قول­داۋىنا يە بولۋى ءتيىس. وسى جەردە ءسال شەگىنىس جاسايتىن بولساق, شاكارىم اتىنداعى سەمەي مەملەكەتتىك ۋنيۆەرسيتەتىنىڭ رەكتو­رى ەرلان سىدىقوۆ پرەزيدەنتتىڭ وكىلەتتىگىن ۇزارتۋ تۋرالى رەفەرەندۋم وتكىزۋ باستاماسىن كوتەر­گەنى بەلگىلى. بەس ميلليوننان استام قول جينالۋىمەن قاتار, «قا­زاق­ستان-2020» دەموكراتيالىق كۇش­تەردىڭ كواليتسياسى دا قا­لىپتاسىپ ۇلگەردى. الايدا ەلباسى رەفەرەندۋمنان باس تارتىپ, مەرزىمىنەن بۇرىن سايلاۋ وتكىزۋ تۋرالى شەشىم قابىل­داعان­نان كەيىن سايلاۋ دوداسى باس­تالىپ كەتتى. «نۇر وتان» حالىقتىق-دەموكراتيالىق پارتياسىنىڭ كەزەكتى ءحىىى سە­زىندە سويلەگەن سوزىندە نۇر­سۇلتان نازارباەۆ اتالعان باس­تا­ماعا قولداۋ كورسەتكەن قازاق­ستان­دىقتارعا ريزاشىلىعىن بىلدىرە وتى­رىپ, ءوزىنىڭ وسىنداي شەشىم قا­بىلداعانىن جەتكىزگەن ەدى.

ءوز ۇستانىمىن نۇرسۇلتان ءابىش ۇلى بىلاي ءتۇسىندىردى: «مەن ءۇشىن ەل پرە­زيدەنتى رەتىندە حالىقتىڭ سەنىمى بارىنەن دە جوعارى. تەك ەلى­مىزدىڭ جو­عارى مۇددەلەرىن باسشى­لىققا العان مەن رەفەرەندۋمنىڭ ورنىنا مەرزىمىنەن بۇرىن پرەزيدەنتتىك ساي­لاۋ وتكىزۋ تۋرالى شەشىم قابىلدادىم». وسى قۇرىلتايعا قاتىسقان ەرلان سىدىقوۆ سايلاۋ مەن رەفەرەن­دۋم­نىڭ ەكەۋى دە حالىق بيلىگىن جۇ­زە­گە اسىرۋدىڭ زاڭدى جولى ەكەندىگىن ايتا كەلىپ, قازاقستاننىڭ تۇڭ­عىش پرەزيدەنتى نۇرسۇلتان نازار­باەۆ­تى «نۇر وتان» حدپ اتىنان پرەزيدەنتتىككە كانديدات رەتىندە ۇسىنعان بولاتىن. مۇنداي ۇسىنىس پارتيالاستارى تاراپىنان قىزۋ قول­داۋعا يە بولعانى بەلگىلى. ۇسى­نىل­عان قۇجاتتاردى قاراي كەلە, ورتا­لىق سايلاۋ كوميسسياسى ولار­دىڭ سايلاۋ زاڭنامالارىنا سايكەس كەلەتىندىگىن انىقتاپ, نۇرسۇلتان ءابىش­ ۇلى  نا­زارباەۆتى قازاقستان رەس­پۋب­ليكاسى پرەزيدەنتتىگىنە كانديدات رەتىندە تىركەۋ تۋرالى قاۋلى قابىلدادى.

اسقار تۇراپباي ۇلى.