جاڭا...

...اۆتوكولىكتەر اۋدان مۇراعاتتارىنا مۇراعات قورىن ساقتاۋ جانە تولىقتىرۋ ءىسى قىزىلجار ءوڭى­رىن­دە جاقسى جولعا قويىلعان. ول جونىندە مۇراعاتتار مەن قۇ­جاتتامالار باسقارماسى, جەرگىلىكتى بولىمشەلەر جەتەكشىلەرى جانە قىزمەتكەرلەرىمەن كەزدەسۋدە وبلىس اكىمى سەرىك ءبىلالوۆ اتاپ ءوتتى. باسقارما باستىعى ءرۇس­تەم بيكەنەۆ ۇلتتىق مۇ­را­عات قورىن تولىقتىرۋ جانە ساق­تاۋ جايىنا جان-جاقتى توق­تالىپ, اتقارعان ىستەردى سارالاپ بەردى. ول ءوز سوزىندە وبلىس­تىڭ 4446 مەملەكەتتىك مۇراعات قورىندا 1,3 ميلليوننان استام قۇجاتتىڭ  ساقتاۋلى تۇرعانىن, بىلتىر 42 مىڭعا جۋىق قۇ­جات­تىڭ مەملەكەتتىك اينالىمعا الىن­عانىن جەتكىزدى. اۋدان­دارداعى  مۇراعات عيماراتتا­رىن جوندەۋگە «جول كارتاسى» باعدارلاماسى بويىنشا 64,5 ميلليون تەڭگە جۇمسالعان. سەرىك سۇلتانعازى ۇلى مۇ­راعاتتىڭ ءبىر توپ قىزمەتكەرىنە قۇرمەت گراموتالارىن, العىس حات­تار مەن اقشالاي سىيلىقتار تاپسىردى. بەس اۋداننىڭ مۇ­را­عات­تارىنا جەڭىل كولىكتەر بەرىلدى. ءومىر ەسقالي. سولتۇستىك قازاقستان وبلىسى. * * * ...بالاباقشاعا باعالى سىيلىق ءسانى مەن ساۋلەتى جانە ءتۇرى مەن مازمۇنى كەلىسىم تاپقان 280 ورىندىق مەكتەپكە دەيىنگى بالالار مەكەمەسىنە «نۇربالا­پان» دەگەن اتاۋ بەرىلدى. سىڭ­عىرلاعان سۋ جاڭا ەڭسەلى عي­ما­رات شالعايداعى كازتالوۆ اۋدا­نىنىڭ ورتالىعىنا ايرىقشا اجار بەرىپ تۇر. اتالعان نىسان قۇرىلىسىن ەرجان باقتياروۆ باسقاراتىن «ءالىم» جشس قۇرىلىسشىلارى جۇرگىزگەن. الىس اۋدانداعى اتا-انالار مەن بۇلدىرشىندەردىڭ قۋانى­شى­نا باتىس قازاقستان وبلى­سى­نىڭ اكى­مى باقتىقوجا ءىزمۇ­حامبەتوۆ ور­تاق­تاسىپ, جاڭا بالاباقشاعا ءوز اتى­نان باعالى سىيلىق تابىس ەتتى. تەمىر قۇسايىن. باتىس قازاقستان وبلىسى. * * * ...«ID»-ورتالىق اشىلدى «قازاقتەلەكوم»  اق وبلىس ورتالىعى تۇرعىندارىنا وسىن­داي ءبىر زاماناۋي ۇلگىدەگى باي­لانىس ءتۇرىن ۇسىندى. جاڭادان اشىلعان بۇل ورتالىقتىڭ  ەرەك­شەلىگى, بايلانىستىڭ  كەز-كەلگەن ءتۇرى قولجەتىمدى. مۇندا ينتەراكتيۆتى تەلەحابارلار كو­رۋ­گە مۇمكىندىك بەرەتىن  «iD-TV»,  «iD-phone» اتتى جاڭا جەلى, عالامتورعا سىمسىز قوسى­لا­تىن  «Wi-Fi», عالامتوردى  ەمىن-ەركىن ارالاتاتىن  «Mega­line» بايلانىس قىزمەتى بار. ما­ماندار دا قاسىڭىزدان تا­بىلادى. ەلىمىزدە جەتىنشى بولىپ ىسكە قوسىلعان  «عاجايىپ» ورتا­لىق­تىڭ اشىلۋىنا «قازاقتەلە­كوم» اق باسقارما توراعاسى  قۋانىشبەك ەسەكەەۆ پەن وبلىس اكىمى باقىتجان ساعىنتاەۆ قا­تىستى. فاريدا بىقاي. پاۆلودار.