مەملەكەت باسشىسى نۇرسۇلتان نازارباەۆ اۋىل شارۋاشىلىعى ءمينيسترى اقىلبەك كۇرىشباەۆتى قابىلدادى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى.
مينيستر پرەزيدەنتكە اۋىل شارۋاشىلىعى جىلىنىڭ قورىتىندىلارى جايلى جانە مەملەكەت باسشىسىنىڭ اگروونەركاسىپ كەشەنىن دامىتۋ جونىندەگى تاپسىرمالارىنىڭ ورىندالۋ بارىسى تۋرالى باياندادى.
كەزدەسۋ بارىسىندا وسىمدىك شارۋاشىلىعىن دامىتۋ, ىلعالدى جيناۋ جانە سۋدى جيناۋ تەحنولوگياسىنا ارنالعان سالاعا اۋىسۋ پەرسپەكتيۆالارى تالقىلاندى, سونداي-اق جەر رەسۋرستارىن ءتيىمدى پايدالانۋ ماسەلەسى قارالدى.
– رەسپۋبليكادا 24 ملن. گەكتار ەگىستىك جەر بار. پرەزيدەنت جەر رەسۋرستارىن باسقارۋ اگەنتتىگى مەن اۋىل شارۋاشىلىعى مينيسترلىگىنە وسى جەرلەردى اينالىمعا ەنگىزۋ جونىندە كەشەندى شارالاردى ازىرلەۋ تۋرالى تاپسىرما بەردى, – دەپ اتاپ ءوتتى مينيستر كەزدەسۋدىڭ قورىتىندىسى بويىنشا جۋرناليستەرگە ارنالعان بريفينگتە.
* * *
مەملەكەت باسشىسى نۇرسۇلتان نازارباەۆ «KEGOK» اق پرەزيدەنتى الماسادام ساتقاليەۆتى قابىلدادى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى.
ا.ساتقاليەۆ مەملەكەت باسشىسىنا قازاقستاننىڭ تۇتىنۋشىلارىن ەنەرگيامەن جابدىقتاۋدىڭ اعىمداعى جاعدايى تۋرالى ەسەپ بەردى جانە كومپانيانىڭ 2025 جىلعا دەيىنگى كەشەندى دامۋىنىڭ ۇزاق مەرزىمدى ستراتەگياسىمەن تانىستىردى.