جەتىسۋداعى كىتاپحاناشىلار جيىنى

تالدىقورعاندا «مادەني مۇرا» مەملەكەتتىك باعدارلاماسى اياسىندا «ءححى عاسىر كىتاپحاناسى: جاس­تار ستراتەگياسى» تاقىرىبىندا رەس­پۋب­ليكالىق جاس كىتاپحاناشى­لار فورۋمى ءوتتى. ءسويتىپ ەلىمىزدەگى ەڭ العاشقى كىتاپحانا ءتۋريزمى جەتىسۋ جەرىندە باستالدى. فورۋمدى الماتى وبلىسى اكىمىنىڭ ورىنباسارى باقتيار ونەرباەۆ اشىپ, ءجۇر­گىزىپ وتىردى. زامان اعىمىنا وراي دامىعان وركەنيەتتى ەلدەر قاتارىنان ورىن الۋ ءۇشىن جاسالىپ جاتقان بۇل قادامنىڭ ءبىر ماقساتى كىتاپ الەمى مەن ينتەرنەتتەگى الەۋ­مەت­تىك جەلىلەردىڭ اراسىندا جاق­سى بايلانىس قالىپتاستىرۋ بولىپ تابىلادى. ورتاق مۇددەگە وراي قر ۇلتتىق اكادەميالىق كىتاپ­حانا­­­سىنىڭ باسشىسى, پەداگوگيكا عىلىم­دارىنىڭ دوكتورى, پروفەسسور ءۇمىتحان مۇڭالباەۆا, بەلگىلى فيلوسوف عالىم عاريفوللا ەسىم, مەملەكەتتىك سىيلىقتىڭ لاۋرەاتى, اقىن نەسىپبەك ايت ۇلى, جازۋشى-عالىم تۇرسىن جۇرتباي جانە كىتاپ­حانا سالاسىنىڭ ماماندارى سوقتا­لى وي, قۇندى پىكىر قوستى. نەگىزى زيا­لى قاۋىم وكىلدەرى قاسيەتتى نارسە قاراپايىم بولاتىندىعىن, ادام­عا ءىلىم ساۋلەسىن ءتۇسىرۋ كىتاپتان باستا­لا­تىن­دىقتان كىتاپحانانى قولداۋ قو­عام­دى دامىتۋ ەكەندىگىن باسا ايتتى. بۇگىندە رەسپۋبليكا بويىنشا 11300 كىتاپحانا جۇمىس ىستەيدى. وعان 4 ملن 782 وقىرمان بارىپ, رۋحاني قاجەتتىلىگىن وتەسە, الەۋمەتتىك جەلى  فەيسبۋكتە كىتاپحانا دوستارى سانى 1686. ارينە از. بىراق كۇن ساناپ ءوسىپ كەلە جاتقانى قۋانتادى. سونىمەن تالدىقورعاندا باستال­عان كىتاپحانا ءتۋريزمى وبلىس­تاعى اۋداندار مەن قالالاردا جالعاستى. نۇربول الدىباەۆ, «ەگەمەن قازاقستان» تالدىقورعان