تۇركيانىڭ شيرناك پروۆينتسياسىنا قاراستى جيزرا قالاسىندا بولعان جويقىن جارىلىستان 9 ادام قازا تاۋىپ, 64 تۇرعىن ءتۇرلى دەنە جاراقاتىن الدى. ءتارتىپ ساقشىلارىنىڭ ايتۋىنشا, جارىلىس پوليتسيانىڭ باقىلاۋ-وتكىزۋ بەكەتىندە بولعان.
كۋاگەرلەر باقىلاۋ-وتكىزۋ بەكەتىنە مينا قويىلعان اۆتوكولىكتىڭ باسا-كوكتەپ كىرگەنىن مالىمدەدى. ايتا كەتەيىك, اتالعان قالا سيريا مەن يراك مەملەكەتتەرىنە شەكارالاس ورنالاسقان. ونداعى حالىقتىڭ باسىم بولىگى – كۇردتەر.
جەرگىلىكتى بيلىك جارىلىستى قانداي لاڭكەستىك توپ ۇيىمداستىرعانىن انىقتاۋمەن اينالىسىپ جاتىر.
تالعات رايىمبەك