قىزىلوردادا «قازاقستاننىڭ ۇزدىك تاۋارى - 2016» وڭىرلىك كورمە-بايقاۋى ءوتتى. كورمەگە كەلۋشىلەرگە جەرگىلىكتى كاسىپكەرلەر وزدەرىنىڭ توقىما, ازىق-ت ۇلىك, قۇرىلىس ماتەريالدارىن ۇسىندى. سوڭعى جىلدارى وبلىستىڭ ەكونوميكاسىن ءارتاراپتاندىرۋ ماقساتىندا ايماقتا ءوندىرىس ورىندارى كوپتەپ اشىلدى. ولاردىڭ ونىمدەرى بولاشاقتا ءوڭىردىڭ برەندىنە اينالارى ءسوزسىز. بۇرىن قىزىلوردا وبلىسى تەك كۇرىش جانە ارالدىڭ تۇزىمەن تانىلسا, قازىر ايماقتا وندىرىلەتىن تاۋارلاردىڭ ءتۇرى كوبەيگەن. بۇگىنگى كۇنى سىر وڭىرىندە ەت, ءسۇت جانە نان ونىمدەرىمەن قوسا ءشولمەكتەگى سۋسىندار شىعارىلىپ, ەرلەرگە ارنالعان جەيدەلەر تىگىلۋدە.
– قىزىلوردا وبلىسى ونەركاسىپ ورىندارى مەن كاسىپكەرلىككە قولداۋ كورسەتۋ شارالارىن نازاردان تىس قالدىرعان ەمەس. بۇگىن سىزدەر تەك جەرگىلىكتى جەردە ەمەس, ەلىمىزدىڭ باسقا دا ايماقتارىندا تانىمال تاۋار وندىرۋشىلەردىڭ ونىمدەرىنە باعا بەرۋدەسىزدەر. ال قىركۇيەك ايىنىڭ باسىندا سىربويىلىق تاۋار وندىرۋشىلەر ءوز ونىمدەرىن استاناداعى قىزىلوردا وبلىسىنىڭ كۇندەرى اياسىندا وتەتىن كورمەگە الىپ بارادى, – دەدى وبلىس اكىمى قىرىمبەك كوشەرباەۆ.
شارا سوڭىندا ايماق باسشىسى «وندىرىستىك ماقساتتاعى ۇزدىك تاۋارلار», «حالىق تۇتىناتىن ۇزدىك تاۋارلار» جانە «قازاقستاننىڭ ۇزدىك تاۋارى», «ۇزدىك ازىق-ت ۇلىك تاۋارلارى» نوميناتسيالارى بويىنشا جەڭىمپازداردى ماراپاتتادى.
«ەگەمەن-اقپارات»