كەشە ەلىمىزدىڭ باس پروكۋرورى جاقىپ اسانوۆ سەربيانىڭ باس پروكۋرورى زاگوركا دولوۆاتسپەن كەزدەستى.
وندا تاراپتار الداعى قىلمىستىق ىستەر بويىنشا ءوزارا قۇقىقتىق كومەك كورسەتۋ اياسىندا قازاقستان مەن سەربيا اراسىنداعى حالىقارالىق-قۇقىقتىق قاتىناستار بارىسىن تالقىلادى.
وسىلايشا ەكى ەلدىڭ قۇزىرلى ۆەدومستۆوسىنىڭ باسشىلارى حالىقارالىق جانە ايماقتىق قاۋىپسىزدىكتى قامتاماسىز ەتۋ ماقساتىندا جالپى ستراتەگيالىق مىندەتتەرگە بايلانىستى ماسەلەلەر جونىندەگى ىقپالداستىقتى نىعايتۋدىڭ وزەكتىلىگىن اتاپ ءوتتى.
ءسويتىپ, كەزدەسۋ ناتيجەسىندە ج.اسانوۆ ز.دولوۆاتس حانىمعا ەكى ەل اراسىنداعى قۇقىقتىق ىنتىماقتاستىقتىڭ تيىمدىلىگىن اتاپ ءوتىپ, جىلى قابىلداۋى مەن سىندارلى سۇحباتقا شىنايى ريزاشىلىعىن ءبىلدىردى, دەپ حابارلادى باس پروكۋراتۋرانىڭ ءباسپاسوز قىزمەتى.