جاڭا وقۋ جىلى جاقسى حابارمەن باستالعالى وتىر. قۇرىلىسى بۇگىن-ەرتەڭ بىتكەلى تۇرعان بەس مەكتەپتە ەكى مىڭعا جۋىق بالا وقيتىن بولادى. ششۋچە, ەرەيمەنتاۋ قالالارى مەن تسەلينوگراد اۋدانىنداعى تايتوبە, ەڭبەكشىلدەر اۋدانىنداعى ماقپال اۋىلدارىندا جاڭا مەكتەپتەردىڭ كۇمىس قوڭىراۋى سىڭعىرلاسا, كوكشەتاۋ قالاسىنداعى «كوكتەم» شاعىن اۋدانىندا بالاباقشانىڭ تۇساۋى كەسىلمەك.
اقمولا وبلىسىندا تاۋەلسىزدىك جىلدارى 41 جاڭا مەكتەپ پەن 24 بالالار باقشاسى قاتارعا قوسىلدى. جالپى, وڭىردەگى 599 مەكتەپ, 579 بالالار باقشاسى, 38 كوللەدج بەن 4 جوعارى وقۋ ورنىندا 22 مىڭنان استام پەداگوگ ءبىلىم بەرۋدە. بۇعان قوسىمشا, مەكتەپ وقۋشىلارىنىڭ شىعارماشىلىق دامۋىنا, بوس ۋاقىتىن ءتيىمدى وتكىزۋىنە باعىتتالعان 88 قوسىمشا ءبىلىم وشاعى جۇمىس ىستەيدى.
بيىل 14882 ءبۇلدىرشىن مەكتەپ تابالدىرىعىن اتتاسا, 4337 بالا جوعارى سىنىپتا وقيتىن بولادى.
باقبەرگەن امالبەك,
«ەگەمەن قازاقستان»
اقمولا وبلىسى