قازاقستاندىقتار مەملەكەت باسشىسى نۇرسۇلتان نازارباەۆتىڭ «نۇر وتان» حدپ ءحىىى سەزىندە سويلەگەن ءسوزىن وسىلاي باعالاپ وتىر
جاۋاپكەرشىلىك جۇگىن جەتە سەزىنەمىز
بيىلعى جىل اسا ماڭىزدى وقيعالارمەن باستالدى. سولاردىڭ ءبىرى – استاناداعى تاۋەلسىزدىك سارايىندا «نۇر وتان» حالىقتىق-دەموكراتيالىق پارتياسىنىڭ ءحىىى سەزىنىڭ ءوتۋى پارتيا تاريحىندا ايتۋلى ءىز قالدىرارى انىق. ەلىمىزدىڭ ءار قيىرىنان جينالعان دەلەگاتتار «نۇر وتان» پارتياسىنىڭ توراعاسى نۇرسۇلتان نازارباەۆتىڭ ءسوزىن اسقان مۇقياتتىلىقپەن تىڭداپ, جارقىن بولاشاققا جەتۋدىڭ ايقىن جولدارىن تۇجىرىمداپ بەرۋىنىڭ تاعى ءبىر كۋاسى بولدى. «نۇر وتاننىڭ» قازاقستان حالقى الدىنداعى ابىروي-بەدەلىنىڭ نىعايا تۇسكەنىن وسى جيىن ايعاقتاپ بەردى. ساياسي ۇيىمنىڭ 2005 جىلعى سايلاۋالدى باعدارلاماسىنىڭ ورىندالۋى پرەزيدەنتتىڭ ەسىمىمەن تىعىز بايلانىستى ەكەنىن ءۋاليحانوۆ اۋدانىنىڭ تۇرعىندارى دا جاقسى تۇسىنەدى. ەلباسىنىڭ «100 مەكتەپ, 100 اۋرۋحانا», «بيزنەستىڭ جول كارتاسى-2020», تازا اۋىز سۋ سەكىلدى تىكەلەي تاپسىرمالارى ەلدى مەكەندەرگە دەيىن جەتىپ, اۋىلدىقتاردىڭ تۇرمىس-تىرشىلىگىنە وڭ اسەرىن تيگىزۋدە. الەمدىك داعدارىسقا قاراماستان, الەۋمەتتىك تولەماقىلاردىڭ ءوسۋى, ءبىلىم بەرۋ, دەنساۋلىق ساقتاۋ سالالارىنداعى ايتارلىقتاي وزگەرىستەرگە قول جەتكىزۋىمىز ەل ەكونوميكاسىنىڭ تۇراقتى دامۋ جولىنا تۇسكەنىن ايعاقتاسا كەرەك.
ءبىزدىڭ اۋدان شالعايدا ورنالاسقاندىقتان, بەرتىنگە دەيىن بولاشاعى ب ۇلىڭعىر, كەلەشەگى جوق وڭىرگە جاتقىزىلىپ, كەلگەنى راس. تاۋەلسىزدىكتىڭ ارقاسىندا, مەملەكەت باسشىسىنىڭ اۋىلدى كوتەرۋدىڭ اۋقىمدى باعدارلاماسىن ءتۇزىپ بەرۋىنىڭ ناتيجەسىندە تۇرمىس ساپاسى جاقسارىپ, ەلدى مەكەندەردى ساپالى اۋىز سۋمەن قامتاماسىز ەتۋ جولعا قويىلدى. كاسىپكەرلىكتى وركەندەتۋ, جاڭا جۇمىس ورىندارىن اشۋ باعىتىندا دا كوپ ءىس تىندىرىلدى. سەرپىندى يننوۆاتسيالار شوعىرى پايدا بولدى. وسىنداي وڭ وزگەرىستەرگە پرەزيدەنتتىڭ ساياسي جاڭعىرتۋ, قوعامدا بەيبىتشىلىك پەن تىنىشتىقتى ساقتاۋ سىندى ساياساتى ارقاسىندا جەتىپ وتىرمىز.
ءبىز سەزدەن ۇلكەن اسەرمەن, زور جىگەرمەن ورالدىق. نۇرسۇلتان ءابىش ۇلى پارتيا الدىنا جاڭا تالاپتار قويىپ, 2030 جىلعا دەيىنگى دامۋ ستراتەگياسىن لايىقتى ورىنداۋ ءۇشىن ەلدىڭ الداعى 20 جىلداعى بولاشاعىن بەلگىلەپ بەردى. اۋقىمدى شارالاردى ىسكە اسىرۋداعى «نۇر وتان» پارتياسىنىڭ تاياۋ 20 جىلداعى ستراتەگيالىق باعدارلاماسىنىڭ نەگىزىنە اينالاتىنىن جەتكىزدى. مەنى ەلباسىنىڭ جاس بۋىنعا ارناعان اتالىق ءسوزدەرى قاتتى تولقىتتى. ءوزىڭنىڭ تاريحىڭدى, انا ءتىلىڭدى, شىعۋ تەگىڭدى بىلمەي ناعىز پاتريوت بولا المايسىڭ, دەۋى ءبارىمىزگە وي سالارى انىق.
سەزد قازاقستاننىڭ قازىرگى پرەزيدەنتىن پارتيانىڭ اتىنان 2011 جىلى 3 ساۋىردە وتەتىن كەزەكتەن تىس پرەزيدەنتتىك سايلاۋعا كانديدات رەتىندە ۇسىنۋىمەن دە ەستە قالدى. مەملەكەت باسشىسىنىڭ كەزەكتەن تىس پرەزيدەنتتىك سايلاۋعا تۇسۋگە كەلىسىم بەرۋى ءبارىمىزدى قاناتتاندىردى. ەندىگى مىندەت – جۇكتەلگەن جاۋاپكەرشىلىك جۇگىن سەزىنە وتىرىپ, ەلگە, حالىققا قىزمەت ەتۋ.
ەسلام ۋاحيتوۆ, ءۋاليحانوۆ اۋدانىنىڭ اكىمى, سەزد دەلەگاتى.
سولتۇستىك قازاقستان وبلىسى, ءۋاليحانوۆ اۋدانى.