10 اقپاننان باستاپ «شانس» مەيىرىمدىلىك ورتالىعىنىڭ ۇيىتقى بولۋىمەن كوكشەتاۋ قالاسىندا مۇگەدەكتەرگە ارنالعان شاعىن اۆتوبۋس ارنايى مارشرۋتى اشىلدى.
اقمولا وبلىستىق مۇگەدەكتەر قوعامىنىڭ توراعاسى ۆاسيلي شيمانسكيدىڭ ايتۋىنشا, وسى ماقساتقا الماتىداعى رەسپۋبليكالىق «ءسابي» قايىرىمدىلىق قورى 80 مىڭ اقش دوللارى كولەمىندە قارجى ءبولىپ, بارلىق قولايلى جاعدايلار قاراستىرىلعان گەرماندىق «فولكسۆاگەن-ترانسپورتەر» شاعىن اۆتوبۋستارى ساتىپ الىندى. ەندىگى كۇنى ول وبلىس ورتالىعىنداعى – 95, سونىمەن بىرگە, ايماقتاعى 640 مۇگەدەك جانعا قىزمەت كورسەتەتىن بولادى.
قازىردىڭ وزىندە اۆتوبۋستىڭ اۋرۋحانا, بانك جۇيەسى, الەۋمەتتىك قامتۋ, كوممۋنالدىق قىزمەت ورىندارىنا جەتكىزۋ باعىتتارى, قوزعالىس كەستەسى, الدىن الا تەلەفونمەن تاپسىرىس بەرۋ قىزمەتى جۇمىس ىستەي باستادى. الداعى كەزدە اۆتوبۋستار سانى مەن قىزمەت اۋقىمىن كەڭىتۋ باعىتىنداعى ۇيىمدىق-قارجىلىق ماسەلەلەر شەشىمىن تاپپاق.
باقبەرگەن امالبەك, اقمولا وبلىسى.