كوكشەتاۋ قالاسىنداعى «سۇڭقار» شاعىن اۋدانىندا پايدالانۋعا بەرىلگەن ۇيدە 16 سوعىس ارداگەرى مەن مۇگەدەگى جايلى پاتەرلەرگە قونىستانعان بولاتىن. ايتكەنمەن, مەملەكەتتىك تۇرعىن ءۇي قورىنداعى بۇل پاتەرلەر جالعا بەرىلگەن ەدى. مايدانگەرلەر ءوز پاتەرلەرىن جەكەشەلەندىرۋ تۋرالى ءوتىنىش-تىلەكتەرىن دە ايتۋمەن كەلەدى. ەلباسى نۇرسۇلتان نازارباەۆ وسىعان بايلانىستى «تۇرعىن ءۇي قاتىناستارى تۋرالى» زاڭعا وزگەرىستەر مەن تولىقتىرۋلار ەنگىزۋ تۋرالى جارلىققا قول قويدى. وندا سوعىس ارداگەرلەرىنە قاتىستى كوپتەگەن جەڭىلدىكتەر قاراستىرىلعان.
جۋىردا وتان جاۋىنگەرلەرىنىڭ تىلەگى ورىندالىپ, اقمولا وبلىسىنىڭ اكىمى سەرگەي دياچەنكو ولارعا جەكەشەلەندىرۋ تۋرالى كەلىسىم-شارتتاردى تاپسىردى. سونداي-اق, وبلىس جانە قالا اكىمدەرى سوعىس ارداگەرى ءشامىل ماعاۋين مەن جاۋىنگەر جەسىرى ماريا وماروۆانىڭ شاڭىراعىندا بولىپ, وتباسىنا قۇت-بەرەكە تىلەدى.
باقبەرگەن امالبەك.