سەنىمدىلىك – ۇلكەن ىستەر باستاۋى
مەملەكەت باسشىسىنىڭ اتىنا ەلىمىز ازاماتتارىنان بيىلعى قازاقستان حالقىنا جولداۋىنا قولداۋ بىلدىرگەن حاتتار تولاسسىز كەلىپ تۇسۋدە, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى. وڭتۇستىك قازاقستان وبلىسى, شاردارا اۋدانىنىڭ ءبىر توپ ارداگەرلەرى اتىنان جولداعان حاتىندا ت.اعمان ۇلى «ەلباسىمىزدىڭ بيىلعى «بولاشاقتىڭ ىرگەسىن بىرگە قالايمىز» اتتى جولداۋىن وڭتۇستىكتىڭ شالعاي اۋدانىندا تۇراتىن ءبىر توپ ارداگەر ەرەكشە ىقىلاسپەن تىڭدادىق», دەپ جازادى. ودان ءارى حات يەسى بۇعان دەيىن العا قويىلعان مىندەتتەردىڭ تولىعىمەن ورىندالعانىن ايتا كەلىپ, پرەزيدەنت جولداۋىندا ايقىندالعان كەلەلى مىندەتتەردىڭ دە بەلگىلەنگەن مەرزىمىندە ىسكە اساتىنىنا سەنىمىن بىلدىرەدى. تاراز قالاسىنىڭ تۇرعىنى, «التىن القا» يەگەرى ا.ءدۇيسەنبەكوۆا كوپ بالالى انالار اتىنان ءوزىنىڭ پىكىرىن بىلايشا جەتكىزەدى: «ەلباسىمىزعا بۇكىل قازاق حالقى, قازاق ەلى جانە ۇلىق اتالاردان باستاپ بەسىكتەگى بالاعا دەيىن ريزا! ەلىمىزدە جاردەماقى, جالاقى جانە زەينەتاقىنىڭ كوتەرىلۋى كىمدى بولسىن قۋانتادى. قالالاردا, اۋدانداردا سابيلەرگە ارنالعان بالاباقشالار بوي كوتەرىپ, اتا-انالار قۋانىشقا بولەنۋدە. حالقىمىزدىڭ ارمانداعان ويلارى تولىعىمەن ورىندالىپ كەلەدى». سونىمەن قاتار, ارداقتى انا ەلباسىنا, ەلگە, وتانعا بايلانىستى وي-تولعامدارىن ولەڭ جولدارىنا ارقاۋ ەتكەن.ءبىز سىزبەن بىرگە كۇشتىمىز
مەملەكەت باسشىسى نۇرسۇلتان نازارباەۆتىڭ اتىنا قازاقستاندىق ازاماتتاردان 7-ءشى قىسقى ازيا ويىندارىنىڭ تابىستى وتۋىنە بايلانىستى قۇتتىقتاۋلار كوپتەپ كەلىپ تۇسۋدە, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى. اتاپ ايتقاندا, اقتوبە وبلىسىنىڭ سپورتشىلارى قازاقستاندا سپورتتىق ءىس-شارانىڭ جوعارى دەڭگەيدە وتكىزىلگەنى ءۇشىن شىنايى ريزاشىلىقتارىن بىلدىرەدى. «ءسىز ازيا ويىندارىن اشىق دەپ جاريالاعاندا ستاديوندى كورەرمەندەردىڭ قول شاپالاقتاۋى ءدۇر سىلكىندىردى. ءبىز سىزگە جۇرەكجاردى ىقىلاسىمىزدى بىلدىردىك. سىزدەي پرەزيدەنتىمىز بار بولعانى ءۇشىن ءبىزدىڭ جۇرەگىمىز ماقتانىشقا تولدى. سىزبەن بىرگە ءبىز – كۇشتىمىز!», دەلىنگەن حاتتا. سونداي-اق, الماتى قالاسىنداعى №50 مەكتەپتىڭ ۇجىمى مەن وقۋشىلارى مەملەكەت باسشىسىن ازيادانىڭ تابىستى وتۋىمەن قۇتتىقتايدى. «ءبىز ازياداعا ۇزدىك سپورتشىلاردى جيعان ءوز ەلىمىزدى ماقتان تۇتامىز. بىزگە, الماتىلىقتارعا, ءوز قالامىزدا ءار سپورت تۇرلەرى بويىنشا شەبەرلەردى كەزدەستىرۋ باقىتى بۇيىرىپتى. ازيادانىڭ تابىستى ءوتۋى قازاقستاننىڭ سەنىمدى قولدا ەكەنىن تاعى دا كورسەتتى. ءبىز تۇراقتىلىق, بەيبىتشىلىك پەن قۇت-بەرەكە ورنىققان ەلدە ءومىر ءسۇرىپ جاتقانىمىزعا باقىتتىمىز», دەپ اتاپ وتىلگەن حاتتا. قاراعاندى مەملەكەتتىك تەحنيكالىق ۋنيۆەرسيتەتىنىڭ رەكتورى ا.عازاليەۆ وقىتۋشىلار مەن ستۋدەنتتەردىڭ جۇرەكجاردى قۇتتىقتاۋلارىن جەتكىزەدى. «ءبىزدىڭ ەلىمىزدە ازيادانىڭ ءوتۋى – بۇل ازاماتتاردىڭ ءال-اۋقات دەڭگەيى جوعارى, بەيبىتشىلىك پەن كەلىسىم سالتانات قۇرعان مەملەكەت رەتىندە قازاقستاننىڭ حالىقارالىق بەدەلىنىڭ كورسەتكىشى. وسىنىڭ ءبارى ەلىمىزدى ەكونوميكالىق, الەۋمەتتىك جانە ساياسي جاڭعىرتۋعا باعىتتالعان, ءسىز جۇرگىزىپ وتىرعان دانا جانە كورەگەن ساياساتتىڭ ءناتيجەسى», دەپ اتاپ وتكەن حات يەلەرى. «نۇرسۇلتان ءابىش ۇلى, ازياداعا دايارلىق جاساۋ جانە ونى وتكىزۋ – ءسىزدىڭ باسشىلىعىڭىزبەن اتقارىلعان قىرۋار ءىس. ادام يگىلىك, بەيبىتشىلىك جانە جاسامپازدىققا ۇمتىلۋى ءتيىس. ازيا ويىندارىنىڭ اشىلۋى مەن جابىلۋ ءراسىمدەرىندەگى ورىندالعان كەرەمەت كورىنىستەر تەرەڭ شىعارماشىلىق ويعا, مازمۇنعا قۇرىلعانىن كورسەتتى», دەلىنگەن الماتى قالاسىنداعى №70 مەكتەپتىڭ ۇجىمى جولداعان حاتتا. «قاراعاندى وبلىسىنداعى جازۋشىلار وداعى» قوعامدىق بىرلەستىگىنىڭ توراعاسى, جەزقازعان قالاسىنىڭ قۇرمەتتى ازاماتى ۆالەري موگيلنيتسكي ءوز حاتىندا مەملەكەت باسشىسى ن.ءا.نازارباەۆتىڭ ساياساتىنىڭ ارقاسىندا قازاقستان ءوزىنىڭ بەيبىتشىلىك, جاسامپازدىق, ەركىندىك جانە ادامدارعا دەگەن قۇرمەت ءتارىزدى ۇستانىمداردى بەرىك ۇستاناتىنىن الەمدىك قوعامداستىققا كورسەتكەنىن اتاپ وتكەن. «بىزدەر, قاراعاندىلىقتار, قاراعاندى وبلىسى بويىنشا وليمپيادالىق ەستافەتانىڭ باستالۋىن قاراعاندىداعى تاۋەلسىزدىك ستەلاسى الاڭىنان ءوز كوزىمىزبەن كوردىك. بۇل –ۇمىتىلماس وقيعا. 7-ءشى قىسقى ازيا ويىندارى قازاقستاندا سپورتتى دامىتۋعا جاڭاشا سەرپىن بەردى. مەن ءوز ەلىم ءۇشىن, ءوز پرەزيدەنتىم ءۇشىن, ءوز سپورتتىق جەتىستىكتەرىمىز ءۇشىن ماقتانامىن», دەلىنگەن قاراعاندى وبلىسى كاسىپوداقتار فەدەراتسياسىنىڭ ءتورايىمى ا.مادياروۆانىڭ حاتىندا. 7-ءشى قىسقى ازيا ويىندارىنىڭ تابىستى وتۋىنە بايلانىستى ءوز قۇتتىقتاۋلارىن بىلدىرگەندەردىڭ قاتارىندا الماتى قالاسى, تۇركسىب اۋدانىنىڭ مەديتسينالىق قىزمەتكەرلەرى, الماتى قالاسى- نىڭ تۇرعىندارى ز.سارسەمحانوۆا, ۆ.جاقسىلىقوۆا, ورال قالاسىنىڭ تۇرعىنى ا.كاسمال دا بار.