«ەگەمەن قازاقستان» گازەتىندە سپورتتان جارىستار ۇيىمداستىرۋ داستۇرگە اينالعان. گازەتىمىز جىل سايىن ەلىمىز بويىنشا اقپارات قۇرالدارى اراسىندا وتەتىن كوپتەگەن تۋرنيرلەر مەن جارىستارعا دا بەلسەنە قاتىسىپ كەلەدى. ال بيىل 95 جىلدىق تاريحى بار اعا گازەت ءوز قىزمەتكەرلەرى اراسىندا سپورتتىڭ بىرنەشە تۇرىنەن سپارتاكيادا وتكىزدى. وعان رەداكتسيا ۇجىمى ءتورت توپقا ءبولىنىپ, بيليارد, شاحمات جانە دويبىدان جارىستارعا قاتىستى.
سپارتاكيادا ءبىر-ەكى كۇندە وتەتىن كۋبوكتىق جارىس ەمەس, ول بىرنەشە كۇنگە سوزىلاتىنى بەلگىلى. بيىلعى جارىس تا بايلانىس جانە اقپارات قىزمەتكەرلەرى كۇنىنە وراي وتكىزىلىپ, بىرنەشە كۇنگە جالعاستى.
بۇگىن رەداكتسيا قىزمەتكەرلەرىنىڭ اراسىندا وتكەن سپارتاكيادا مارەسىنە جەتتى. وندا جۋرناليستەردىڭ «سۇڭقار» كومانداسى باس جۇلدەنى جەڭىپ الدى. ەكىنشى ورىندى حاتشىلىق جانە اكىمشىلىك بولىمدەرىنەن قۇرالعان «جىگەر», ءۇشىنشى ورىندى ينتەرنەت-رەداكتسيانىڭ جىگىتتەرىنەن جاساقتالعان «ۇشقىن» كومانداسى يەلەندى. ال ءتورتىنشى ورىنعا جۋرناليستەردىڭ «ۇمتىلىس» جاساعى يە بولدى.
سپارتاكيادا سوڭىندا «ەگەمەن قازاقستان» گازەتىنىڭ باسقارما توراعاسى دارحان قىدىرالى جەڭىمپاز بەن جۇلدەگەرلەردى قۇتتىقتادى.
[caption id="attachment_52961" align="aligncenter" width="560"] گازەت باسشىسى دارحان قىدىرالى باس جۇلدەنى تابىس ەتتى[/caption]
–«ەگەمەن قازاقستان» گازەتى سپارتاكيادا مەن باسقا دا جارىستاردى وتكىزۋدى داستۇرگە اينالدىرعان. مۇنداي جارىستار رەداكتسيا قىزمەتكەرلەرى اراسىندا سپورتقا دەگەن قىزىعۋشىلىقتى ارتتىرىپ, سالاماتتى ءومىر سالتىن ناسيحاتتاۋعا سەپتىگىن تيگىزەدى. قازىرگى كەزدە جۋرناليستەر اراسىندا سپورتتىڭ بىرنەشە تۇرىنەن سەيداحمەت بەردىقۇلوۆتى ەسكە الۋعا ارنالعان سپارتاكيادا مەن شاعىن فۋتبولدان ءتۋرنيردىڭ وتكىزىلەتىنىن بىلەسىزدەر. «ەگەمەن قازاقستاننىڭ» ۇجىمى وسىنداي تارتىستى سىنداردان ەشقاشان كەنجە قالعان ەمەس. گازەتىمىزدىڭ وسىنداي جارىستارعا قاتىسۋىن قولدايمىن. سپورتتىڭ حالىقتى بەرەكە مەن بىرلىككە شاقىرىپ, ادامنىڭ جيناقى دا جىگەرلى, شىمىر دا شىدامدى بولۋىنا اسەرى كوپ. سوندىقتان «ەگەمەن قازاقستان» گازەتى الداعى كەزدە دە دەنە تاربيەسى مەن سپورتقا, سالاماتتى ءومىر سالتىنا باسا ءمان بەرەتىن بولادى, – دەدى گازەت باسشىسى.
وسىدان كەيىن باسقارما توراعاسى دارحان قىدىرالى جەكەلەگەن نوميناتسيادا ۇزدىك اتانعان رەداكتسيا قىزمەتكەرلەرىنە ديپلومدار مەن باعالى سىيلىقتار تابىس ەتتى.
بۇل سىندا «سۇڭقار» كومانداسىنىڭ ويىنشىلارى عالىم ومارحان مەن عابيت ىسكەندىر ۇلى, «جىگەر» جاساعىنىڭ مۇشەسى احمەتقالي وتەۋعاليەۆ بيلياردتان وتكەن باسەكەدە ۇزدىك ويىنشى اتاندى. ال «ۇمتىلىس» كومانداسىنىڭ وكىلى, ءفوتوتىلشى ورىنباي بالمۇراتقا شاحمات جارىسىندا تەڭ كەلەتىن ەشكىم بولمادى. ول ويىندارىنىڭ بارلىعىن جەڭىپ, ۇزدىك ويىنشى اتانسا, «جىگەر» كومانداسىنىڭ مۇشەسى فاريزا ورمانوۆا دويبى دوداسىندا جەكە دارا شىعىپ, ۇزدىك ويىنشى دەپ تانىلدى.
[caption id="attachment_52962" align="aligncenter" width="560"] «سۇڭقار» كومانداسىنىڭ وكىلى عابيت ىسكەندىر ۇلى بيلياردتان ۇزدىك ويىنشى اتاندى[/caption]
[caption id="attachment_52963" align="aligncenter" width="560"] «جىگەر» كومانداسىنىڭ مۇشەسى فاريزا ورمانوۆا دويبى دوداسىندا جەكە دارا شىقتى[/caption]
[caption id="attachment_52964" align="aligncenter" width="560"] «سۇڭقار» كومانداسىنىڭ ويىنشىسى عالىم ومارحان بيليارد جارىسىندا التى رەت جەڭىسكە جەتتى[/caption]
[caption id="attachment_52965" align="aligncenter" width="560"] جەڭىمپاز, جۇلدەگەرلەر جانە جانكۇيەرلەر[/caption]
[caption id="attachment_52967" align="aligncenter" width="560"] بيليارد جارىسىندا «سۇڭقار» مەن «ۇشقىن» كوماندالارى كەزدەستى[/caption]
[caption id="attachment_52968" align="aligncenter" width="560"] دويبى دوداسى. «ۇشقىن» مەن «جىگەر»[/caption]
داستان كەنجالين
فوتو: ەرلان وماروۆ