[caption id="attachment_48793" align="aligncenter" width="560"] ras.kz[/caption]
فۋتبولدان رەسەي قۇراماسىنىڭ باس جاتتىقتىرۋشىسى لەونيد سلۋتسكي قۇراما ويىنشىلارىنىڭ الكوگولدى پايدالانۋلارى جايىندا ءسوز ەتىپ, اندرەي ءارشاۆيندى قورعاپ شىقتى. رەسەيدىڭ rusfootball.info اقپارىنا سىلتەمە جاساعان ras.kz ماماننىڭ قازىر الماتىنىڭ «قايراتىندا» ويناپ جۇرگەن شابۋىلشى جونىندە وتە جاقسى پىكىردە ەكەنىن جازادى.
«قۇرامنان شىعارىپ تاستاۋ ءۇشىن ويىنشى نە جاساعان بولۋى ءتيىس؟ مەن ءتىپتى بىلمەيمىن. بەرىلگەن تاپسىرماعا قۇلاق اسپاۋى, شەكتەن شىققان ءبىر تىرلىككە ۇرىنۋى كەرەك شىعار. مەن ءتىپتى ونى كوزگە ەلەستەتە دە المايمىن. ويىنشى اراق ءىشىپ السا شە؟ بۇل ەندى مۇمكىن ەمەس نارسە. مەن كاسىبي دەڭگەيدەگىلەرمەن جۇمىس جاسايمىن عوي», – دەدى سلۋتسكي.
«اندرەي ارشاۆين باردا وتىرسا ما؟ ءسىز ونىڭ سوندا بولعانىن قايدان بىلەسىز؟ ارشاۆين عالامات جەتىستىكتەرگە جەتتى. ول ەكى مىڭىنشى جىلدىقتاعى ۇزدىك ورىس فۋتبولشىسى. اڭىزعا بەرگىسىز الىپ-قاشپا اڭگىمەلەردىڭ نە كەرەگى بار؟», – دەدى رەسەي قۇراماسىنىڭ باس باپكەرى «ماتچ تۆ» تەلەارناسى تىلشىسىنە بەرگەن سۇحباتىندا.
تالعات رايىمبەك.