پارلامەنت ءماجىلىسىنىڭ زاڭناما جانە سوت-قۇقىقتىق رەفورما كوميتەتىنىڭ حاتشىسى سۆەتلانا بىچكوۆا باستاعان ءبىر توپ دەپۋتاتى رەسەي پرەزيدەنتىنىڭ كەڭەسشىسى ۆەنيامين ياكوۆلەۆ باستاعان «رەسەي زاڭگەرلەرىنىڭ اسسوتسياتسياسى» بۇكىلرەسەيلىك قوعامدىق ۇيىمىنىڭ دەلەگاتسياسىمەن كەزدەستى.
اڭگىمەلەسۋدىڭ باستى تاقىرىبى زاڭنامالىق باستاما, ونى ازىرلەۋ, تالقىلاۋ جانە زاڭ قابىلداۋ, سوت جۇيەسىنە, مامان ازىرلەۋگە جانە سوتتاردى تاعايىنداۋعا, سوتتاردىڭ تاۋەلسىزدىگىن نىعايتۋعا قاتىستى بولدى. تاراپتار مەملەكەتتىك جانە جەكەمەنشىك سوت ورىنداۋشىلاردىڭ, تورەلىك سوت شەشىمدەرىنىڭ ورىندالۋى تاقىرىبىن دا قوزعادى.
اڭگىمە سوڭىندا ولار اتالعان وزەكتى ماسەلەلەردىڭ زاڭنامالىق شەشىمىن تابۋدا تاجىريبە الماسۋ ءۇشىن پارلامەنتتە بۇگىنگىدەي كەزدەسۋلەر وتكىزۋدى الداعى كەزدە دە جالعاستىرۋعا كەلىستى. ال جۇزدەسۋگە ءماجىلىس تاراپىنان دەپۋتاتتار ارمان قوجاحمەتوۆ, قانات مۋسين, سنەجانا يماشەۆا, گۇلنار بيجانوۆا قاتىستى, دەپ حابارلادى وسى پالاتانىڭ ءباسپاسوز قىزمەتى.