استانا. 28 مامىر. گەرمانيادا فۋتبول الاڭىنا نايزاعاي ءتۇسىپ, 35 ادام ءتۇرلى دەڭگەيدە جاراقات الدى. بۇل تۋرالى ريا «نوۆوستي» اقپارات اگەنتتىگىنە سىلتەمە جاساعان egemen.kz ءتىلشىسى حابارلادى.
زارداپ شەككەندەردىڭ 30-ى بالالار. وقىس وقيعا مەملەكەتتىڭ باتىس ايماعىنداعى حوپشتەدتەن ەلدى مەكەنىندە ماتچ كەزىندە ورىن الدى. Berliner Zeitung باسىلىمىنىڭ حابارلاۋىنشا, سول ساتتە فۋتبول ماتچى بولىپ جاتقان. مالىمەتتەر بويىنشا, اۋا رايىنىڭ بۇزىلۋى تىركەلمەگەن. ال جاڭبىر جاۋعان ساتتە ويىن اياقتالىپ قالعان بولاتىن.
نايزاعاي ءتۇسۋىنىڭ سالدارىنان 9-12 جاستاعى بىرنەشە بالانىڭ جانە ءبىر ەر ادامنىڭ جۇرەك قاعىسى ناشارلاعان. سونىمەن قاتار, دارىگەرلەر ءۇش ادامنىڭ جاعدايى مۇشكىل ەكەنىن مالىمدەدى.
Rheinpfalz باسىلىمى 11 بالانىڭ, 11 ەرەسەك ادامنىڭ اۋرۋحاناعا جاتقىزىلعانىن حابارلادى. ال قالعاندارىنىڭ جاعدايى ءبىر قالىپقا ءتۇستى.
ايان ءابدۋالي.
دەرەك, فوتو: ريا «نوۆوستي».