ارداگەر مۇنايشى كوركەمباي الدانيازوۆ بۇل سالانىڭ قىر-سىرىن بەس ساۋساعىنداي بىلەدى. بۇدان بىرنەشە جىل بۇرىن فورت-شەۆچەنكو قالاسىنان اقتاۋعا قونىس اۋدارعان سوڭ, وبلىس ورتالىعىنداعى ارناۋلى ورتا جانە جوعارى وقۋ ورىندارىندا ستۋدەنتتەرگە مۇناي تاقىرىبى بويىنشا دارىستەر وقىدى. سالانى تەرەڭ بىلگەندىكتەن, ول 100-گە جۋىق عىلىمي ماقالانىڭ اۆتورى اتاندى, سونداي-اق, ونىڭ ەڭبەكتەرى ايماقتاعى مۇنايشى ماماندىعىنا وقىتاتىن وقۋ ورىندارىندا پايدالانىلىپ كەلەدى.
ك.الدانيازوۆ وندىرىستەگى شىعىنداردى ازايتۋ ماسەلەسى بويىنشا 10 جىلعا جۋىق ىزدەنىپ, دايىندالعان ەڭبەگىن ماسكەۋدە ءساتتى قورعاپ شىقتى. رەسەيلىك عالىمدار قازاق قارتىنىڭ ەڭبەگىن جوعارى باعالاپ, تاڭدانىستارىن جاسىرماعان. ال 80 جاسقا تاياپ قالعان, 3 بالادان 8 نەمەرە, 2 شوبەرە ءسۇيىپ وتىرعان قاريانىڭ ەندىگى ماقساتى – ەڭبەكتەرىن قازاق تىلىنە اۋدارتۋ.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى