مەملەكەت باسشىسى نۇرسۇلتان نازارباەۆ «دجەنەرال ەلەكتريك ويل ەند گاز» كومپانياسىنىڭ باس اتقارۋشى ديرەكتورى لورەنزو سيمونەلليمەن شەتەل ينۆەستورلارى كەڭەسى اياسىندا كەزدەسۋ وتكىزدى, دەپ حابارلادى پرەزيدەنتتىڭ ءباسپاسوز قىزمەتى.
كەزدەسۋ بارىسىندا كومپانيانىڭ قازاقستانداعى قىزمەتىنىڭ وزەكتى ماسەلەلەرى, سونداي-اق, جاڭعىرتۋ سالاسىنداعى ودان ءارى ىنتىماقتاستىق پەن وتاندىق لوكوموتيۆ قۇرىلىسىن دامىتۋ پەرسپەكتيۆالارى تالقىلاندى.
مەملەكەت باسشىسى ءوزارا ىقپالداستىق كەزەڭىندە بىرلەسكەن جوبالاردىڭ ءتيىمدى جۇزەگە اسقانىن اتاپ ءوتىپ, شەتەل ينۆەستورلارى كەڭەسىنىڭ كەزەكتى وتىرىسىنا قاتىسقانى ءۇشىن ل.سيمونەلليگە العىس ءبىلدىردى.
نۇرسۇلتان نازارباەۆ قازاقستاننىڭ بۇل كومپانيامەن دەنساۋلىق ساقتاۋ ىسىندەگى تابىستى ىنتىماقتاستىعىنا دا نازار اۋدارىپ, وسى سالاداعى سەرىكتەستى كەڭەيتۋدىڭ ماڭىزدىلىعىن اتاپ ءوتتى.
ل.سيمونەللي قازاقستان پرەزيدەنتىنە قابىلداۋى ءۇشىن العىس ايتىپ, قۇرىلىپ جاتقان «استانا» حالىقارالىق قارجى ورتالىعى اياسىندا بەلگىلەنگەن جوسپارلاردىڭ ءتيىمدى جۇزەگە اسىرىلۋىنا تىلەكتەستىگىن ءبىلدىردى.