*نە كۇتەمىز؟

مۇرات نۇرعاليەۆ,  «ەكونوميكالىق باستامالاردىڭ قازاقستاندىق قورى» اق ديرەكتورىنىڭ مىندەتىن اتقارۋشى: – ارينە, ءاربىر فورۋمنان ءبىز ۇلكەن ناتيجە كۇتەمىز. قازىرگى كەزدە الەم ەكونوميكاسىنىڭ كوپتەگەن پروبلەمالارعا تاپ بولىپ, دامۋدىڭ باسقا جولدارىن ىزدەپ جاتقانىن ءبىز جاقسى بىلەمىز. شيكىزات پايدا تابۋدىڭ باستى كوزى ەمەس ەكەنىن تۇسىنەتىن كەز كەلدى. سول سەبەپتى بۇگىندە قازاقستانعا شيكىزات نارىعىنان بولەك دامۋدىڭ جاڭا جولدارىن ىزدەۋ كەرەك. وسى ورايدا الەمدىك اتى بار ەكونوميستەر مەن نوبەل سىيلىعى لاۋرەاتتارىنىڭ كومەگى زور. ساراپشىلاردىڭ كومەگىنە جۇگىنىپ, ءبىز ءوز جولىمىزدى تابۋىمىز قاجەت. ال فورۋمدا ءبىز ناقتى ءوز ۇسىنىستارىمىزدى تالقىعا سالاتىن بولامىز. وسىنىڭ ارقاسىندا قولعا العان جوبالاردىڭ قانشالىقتى ءتيىمدى ەكەنىن بىلۋگە تىرىسامىز. نەگىزگى ماسەلە – شيكىزاتتان بىرتە-بىرتە باس تارتۋ. ونىڭ ورنىنا بالامالى ەنەرگيا كوزدەرىن دامىتۋ ماڭىزدى. ماقسات قايرانباەۆ, «قازاقستاننىڭ ەكونوميكالىق باستامالارى» قورىنىڭ باس مەنەدجەرi: – استانا ەكونوميكالىق فورۋمىنىڭ باسقا فورۋمداردان ەرەكشەلiگi – ونىڭ دۇنيە جۇزiندە وتكiزiلiپ جاتقان ەكونوميكا سالاسىنداعى مىقتى فورۋمداردىڭ بەستiگiنە كiرەتiندiگiندە. بiزدiڭ فورۋمدى باسقا فورۋمدارمەن سالىستىرۋعا كەلمەيدi. بiزدiڭ دارەجەمiز ول فورۋمدارعا قاراعاندا الدەقايدا جوعارى. سوندىقتان بiزگە جاي ازاماتتار ەمەس, كوبiنەسە شەتەلدەن كەلگەن قوناقتار مەن ۇلكەن قىزمەتتەردە بولعان ازاماتتار, مەملەكەت باسشىلارى, ۇكiمەت باسشىلارى كەلەدi. دۇنيەجۇزi بويىنشا مىقتى ساراپشىلار قاتىسادى. بiزدiڭ الاڭدا قازاقستانعا عانا قاتىستى ەمەس, ەۋرازيا قۇرلىعى, تاياۋ شىعىس پەن جالپى بۇكiل دۇنيە جۇزiنە قاتىستى ۇلكەن ماسەلەلەر قارالادى. وسى ەلدەردiڭ اراسىنداعى ەكونوميكالىق قارىم-قاتىناس, الەۋمەتتiك ماسەلەلەر ايتىلىپ, جاقسى تۇجىرىمدامالار جاسالادى.