كوكشەتاۋ. 26 مامىر. بۇگىن اقمولا وبلىسىنىڭ ورتالىعىنداعى «تاۋەلسىزدىك» الاڭىندا وتكەن مەكتەپ بىتىرۋشىلەرگە ارنالعان سوڭعى قوڭىراۋ سالتاناتتى راسىمىنە 4 مىڭ تۇلەك قاتىستى. بۇل تۋرالى كوكشەتاۋ قالالىق اكىمدىگىنىڭ ءباسپاسوز قىزمەتىنە سۇيەنگەن egemen.kz ءتىلشىسى حابارلادى.
مەرەكەنىڭ قوناقتارى قاتارىندا مەكتەپ بىتىرۋشىلەر, ولاردىڭ اتا-انالارى, پەداگوگيكا ارداگەرلەرى, ايماقتىڭ قۇرمەتتى ازاماتتارى بولدى.
تۇلەكتەردى اقمولا وبلىسىنىڭ اكىمى سەرگەي كۋلاگين قۇتتىقتادى.
«سىزدەردىڭ الدارىڭىزدا جاۋاپتى ەمتيحان – ۇلتتىق بىرىڭعاي تەست تۇر. مەن سىزدەردىڭ بۇل سىناقتان ابىرويمەن شىعىپ, جوعارى بالل الاتىندارىڭىزعا سەنەمىن. وسى رەتتە ءوز شاكىرتتەرىنە ساپالى ءبىلىم, سانالى تاربمە بەرە بىلگەن ۇستازدارعا ايتار الىعىسىم كوپ, - دەدى ايماق باسشىسى.
ول ءوز سوزىندە سونداي-اق بيىلعى تۇلەكتەردىڭ ەلىمىز ەگەمەندىگىنە 25 جىل تولاتىن ۋاقىتتا مەكتەپ ءبىتىرىپ جاتقاندارىنا نازار اۋدارىپ, مۇنىڭ جاقسى نىشان ەكەنىن اتاپ ءوتتى.
بۇدان ءارى سالتاناتتى ءساتتى وبلىستىڭ شىعارماشىلىق ۇجىمدارى جالعاستىرىپ اكەتتى.
ەسكە سالا كەتەيىك, بيىلعى جىلى وبلىس مەكتەپتەرىن ءتورت مىڭنان استام تۇلەك بىتىرگەلى وتىر. ولاردىڭ اراسىندا «التىن بەلگىدەن» ۇمىتكەر 181, ۇزدىك اتتەستاتقا تاپسىراتىن 65 مەكتەپ ءبىتىرۋشى بار.
باقبەرگەن امالبەك.
دەرەك, فوتو: كوكشەتاۋ قالالىق اكىمدىگىنىڭ ءباسپاسوز قىزمەتى.