پاۆلودار. 26 مامىر. س.تورايعىروۆ اتىنداعى مەملەكەتتىك ۋنيۆەرسيتەتتە وڭىردەگى جوعارى ءبىلىم بەرەتىن وقۋ ورىندارىنىڭ ستۋدەنتتەرى اراسىندا «ۋنيۆەرسيتەتتىك ءىت-كوكتەم» ءىت يدەيالاردىڭ شىعارماشىلىق بايقاۋى ءوتتى. بۇل تۋرالى egemen.kz ءتىلشىسى حابارلايدى.
بايقاۋدى ۋنيۆەرسيتەتتىڭ ماتەماتيكا جانە ينفورماتيكا كافەدراسى ۇيىمداستىردى. ماقساتى – قوعامنىڭ ءار سالاسىندا كومپيۋتەرلىك باعدارلامالاردى دايىنداۋدا كاسىبي بىلىكتىلىكتى قالىپتاستىرۋ, يننوۆاتسيالىق جوبالاردى ەنگىزۋ. جارىسقا 12 كوماندا قاتىستى. ناتيجەسىندە س. تورايعىروۆ اتىنداعى ۋنيۆەرسيتەت كوماندالارى ءبىرىنشى ورىن يەلەندى.
اقپاراتتىق جۇيەلەر ماماندىعىنىڭ ماگيسترانتى ايدانا ەرمانوۆا «قوعامدىق كولىكتەگى باقىلاۋ جۇيەسى» جۇمىسىمەن جەڭىمپاز اتاندى. تاتتىمبەت سەيفوللا, اباي ورازاليندەرگە «اندرويد ءۇشىن موبيلدىك جوبالارى» ەكىنشى ورىن, ءۇشىنشى ورىن ينەۋ ستۋدەنتى ۆيكتوريا مەدۆەدەۆاعا بۇيىردى. ال, TKR GROUP سەرىكتەستىگى ۇسىنعان سىيلىقتى ستۋدەنت دياس انۋاربەكوۆ الدى.
فاريدا بىقاي.
دەرەك: egemen.kz.
فوتو: رۋفينا تورپيششەۆا.