العىر قىزدىڭ العاشقى كىتابى

انگليا باسپاسىنان جارىق كورمەك بيىل كۇزدە  بريتانيانىڭ «Hertfordshire Press» باسپا ۇيىنەن استانا قالاسىنىڭ 11 جاسار تۇرعىنى مايدە اقاننىڭ كىتابى شىعادى. ءبۇلدىرشىن قىزدىڭ كىتابى  «Aysu and a magic bag» («ايسۋ مەن سيقىرلى سومكە») دەپ اتالادى. وندا ايسۋ دەگەن قىز تۋرالى باياندالادى. – بۇل كىتاپتا ايسۋ مەن تابيعاتتى قورعايتىن عاجايىپ قۇس تۋرالى جازدىم. مەنىڭ كەيىپكەرىم ەشقانداي بالادان ەرەكشەلەنبەيدى. ول – تابيعاتتى جاقسى كورەتىن قىز. ءبىر كۇنى قۇربىلارىمەن ويناپ جۇرگەندە, ول عاجايىپ قۇستى كەزدەستىرەدى. قۇس ادامنىڭ ءتىلىن بىلەدى ەكەن. سول قۇس وعان تابيعاتتى قورعاۋ تۋرالى اڭگىمەلەر ايتىپ قىزىقتىرادى. سودان كەيىن ايسۋدىڭ قىزىقتى حيكايالارى باستالادى. ول قۇسپەن بىرگە ەكولوگيانىڭ تازالىعى مەن قورشاعان ورتانى قورعاۋ ءۇشىن ءبارىن جاسايدى, – دەيدى كىتاپتىڭ اۆتورى. قازىر مايدەنىڭ كىتابىنا قىزىعۋشىلار كوبەيىپ جاتىر. ەندى وسى جىلى كىتاپ جارىققا شىقسا, قولدان-قولعا كەتەتىن ءتۇرى بار, دەيدى اعىلشىن باسپاسىنىڭ ماماندارى. بريتانيادا قازاق قىزىنىڭ ەڭبەگىنە وسىنداي باعا بەرىلىپ جاتسا, جاس جازۋشىعا تىلەكتەس بولىپ, تەك قۋانۋ كەرەك.  مايدە سونىمەن بىرگە, سۋرەت سالادى, ەكو-ديزاينمەن اينالىسادى. ونىڭ AYBAG دەپ اتالاتىن ەكو برەندى بار. بۇل كومپانيا ەرەسەكتەر مەن بالالارعا ارنالعان ەكولوگيالىق سومكەلەر تىگەدى. سومكەنىڭ بەتىندە ءوزى سالعان سۋرەتتەر بەينەلەنگەن. ال كىتاپتىڭ تۇساۋكەسەرى  «V Open Eurasia and Central Asia Book Forum & Literature Forum» حالىقارالىق ادەبي فەستيۆالىندە وتەدى دەپ جوسپارلانىپ وتىر. كىتاپ 1000 دانامەن شىعادى. داستان كەنجالين, «ەگەمەن قازاقستان»