قازاقستان رەسپۋبليكاسى پارلامەنتى سەناتىنىڭ توراعاسى, الەمدىك جانە ءداستۇرلى ءدىندەر ليدەرلەرىنىڭ سەزى حاتشىلىعىنىڭ باسشىسى قاسىم-جومارت توقاەۆ بيىلعى 31 مامىردا بولاتىن «دىندەر تەرروريزمگە قارسى» حالىقارالىق كونفەرەنتسياسىنا ازىرلىك جانە ونى وتكىزۋ ماسەلەلەرى بويىنشا جۇمىس بابىنداعى كەڭەس وتكىزدى, دەپ حابارلادى سەناتتىڭ ءباسپاسوز قىزمەتى.
قازىرگى زامانداعى قاۋىپتى قاتەرلەردىڭ ءبىرى رەتىندەگى تەرروريزمگە قارسى ءىس-قيمىل ماسەلەلەرىن تالقىلاۋعا پارلامەنتشىلەر, ءدىني قايراتكەرلەر, حالىقارالىق ۇيىمداردىڭ باسشىلارى مەن ديپلوماتتار, سونداي-اق, وتاندىق جانە شەتەلدىك ساراپشىلار قاتىسادى. فورۋمنىڭ جۇمىسىنا الەمنىڭ 41 ەلىنەن 63 دەلەگاتسيا كەلەدى دەپ كۇتىلۋدە.
كەڭەستە الەمدىك جانە ءداستۇرلى دىندەر ليدەرلەرى سەزى حاتشىلىعىنىڭ 1 ماۋسىمعا بەلگىلەنگەن وتىرىسىنا ازىرلىك بارىسى دا قارالدى.
كۇن تارتىبىندەگى ماسەلەلەر بويىنشا سەناتتىڭ حالىقارالىق قاتىناستار, قورعانىس جانە قاۋىپسىزدىك كوميتەتىنىڭ توراعاسى يكرام ادىربەكوۆ, سىرتقى ىستەر ءمينيسترىنىڭ ورىنباسارى ەرجان اشىقباەۆ, مادەنيەت جانە سپورت ءمينيسترىنىڭ ورىنباسارى مارات ءازىلحانوۆ حاباردار ەتتى.