مەملەكەتتىك باسقارۋ اكادەمياسىندا ءدارىس وقىدى
قازاقستان رەسپۋبليكاسى پرەزيدەنتىنىڭ جانىنداعى مەملەكەتتىك باسقارۋ اكادەمياسىندا ەستونيا رەسپۋبليكاسىنىڭ قارجى ءمينيسترى سۆەن سەستەردىڭ قوناق ءدارىسى بولىپ ءوتتى. وعان مەملەكەتتىك باسقارۋ اكادەمياسىنىڭ ماگيسترانتتارى, دوكتورانتتارى مەن پروفەسسور-وقىتۋشىلار قۇرامى قاتىستى.
اكادەميا رەكتورى بولاتبەك ءابدىراسىلوۆ ەستونيا ءمينيسترىن قارسى الىپ, قازاقستاننىڭ جاس مەملەكەتتىك قىزمەتشىلەرىنىڭ ەستونيانىڭ مەملەكەتتىك ساياسات جانە ەكونوميكا سالاسىنداعى وزىق تاجىريبەسىنە ەرەكشە قىزىعۋشىلىق تانىتاتىنىن ءبىلدىرىپ, ءىس-شارانىڭ ماڭىزدىلىعى مەن وزەكتىلىگىن اتاپ ءوتتى.
ءدارىس بارىسىندا سۆەن سەستەر مىرزا قازاقستانمەن اراداعى سىرتقى ەكونوميكالىق قاتىناستاردىڭ دامۋىنىڭ نەگىزگى باعىتتارى, ەستونياداعى تابىستى مەملەكەتتىك جانە اكىمشىلىك رەفورمالار تۋرالى ايتىپ, قارجى رەسۋرستارىن ۇتىمدى باسقارۋ تاجىريبەسىمەن ءبولىستى. سونداي-اق, مينيستر ەستونيالىق مەملەكەتتىك قىزمەت ۇلگىسىنىڭ باستى باسىمدىقتارى, ءتيىمدى ەلەكتروندى ۇكىمەتتى قالىپتاستىرۋ ماسەلەلەرى مەن ەستونيا ۇكىمەتىنىڭ سىبايلاس جەمقورلىقتى بولدىرماۋ بويىنشا باسىمدىلىقتارى جايلى جان-جاقتى مالىمەت بەردى.
سۆەن سەستەر مىرزا بيىلعى جىلدىڭ 26 مامىرىندا استانا ەكونوميكالىق فورۋمى اياسىندا وتەتىن «ينستيتۋتسيونالدىق رەفورمالاردى تابىستى جۇزەگە اسىرۋ ءۇشىن كاسىبي مەملەكەتتىك اپپارات» اتتى جاھاندىق كونفەرەنتسياعا نەگىزگى سپيكەرلەردىڭ ءبىرى رەتىندە قاتىسىپ, ءسوز سويلەيدى.
«ەگەمەن-اقپارات»