ەلوردادا مەملەكەتتىك قىزمەت ىستەرى مينيسترلىگى مەن «اتامەكەن» ۇلتتىق كاسىپكەرلەر پالاتاسى مەملەكەتتىك قىزمەتشىلەر جۇمىسىنىڭ اشىقتىعىن جانە ۇلتتىق بيزنەستىڭ ترانسپارەنتتىگىن قامتاماسىز ەتۋگە باعىتتالعان ىنتىماقتاستىق تۋرالى كەلىسىمگە قول قويدى.
وسى كەلىسىمگە سايكەس, اكىمشىلىك كەدەرگىلەردى جويۋ, كاسىپكەرلىك سۋبەكتىلەرىنىڭ قۇقىقتارى مەن زاڭدى ءمۇددەلەرىن قورعاۋ, مەملەكەتتىك كورسەتىلەتىن قىزمەتتەردىڭ ساپاسىن ارتتىرۋ جونىندە ۇسىنىس ازىرلەۋ, سىبايلاس جەمقورلىقتىڭ الدىن الۋ, قوعامدا سىبايلاس جەمقورلىققا توزبەۋشىلىك مادەنيەتىن قالىپتاستىرۋ بويىنشا بىرقاتار بىرلەسكەن شارالاردى جۇزەگە اسىرۋ كوزدەلگەن. وسىعان وراي ىنتىماقتاستىق شەڭبەرىندە مەملەكەتتىك كورسەتىلەتىن قىزمەتتەر تۋرالى اقپارات الماسۋ جانە ول قىزمەتتەردى حالىققا ۇسىناتىن مەملەكەتتىك ورگاندار جۇمىسىنىڭ تيىمدىلىگىن ارتتىرۋ جونىندە ۇسىنىستار ازىرلەۋ دە قولعا الىنادى دەپ جوسپارلانىپ وتىر.
«ەگەمەن-اقپارات»