كىتاپحانا • 30 تامىز, 2016
ەلباسى كىتاپحاناسىنا – سەمەي ءوڭىرىنىڭ سىيى
«وتكەن كۇننەن الىسى جوق, كەلەر كۇننەن جاقىنى جوق» دەگەن بابالاردان قالعان ءسوز بار, – دەپ ەدى ەلباسى نۇرسۇلتان نازارباەۆ. – تاۋەلسىزدىكتىڭ كوكجيەگىنە كوز جىبەرەتىن بولساق, ءبىز عاسىرلارعا تاتيتىن تاريحي جولدان وتتىك. وسىدان شيرەك عاسىر بۇرىن الەم جۇرتشىلىعى تاۋەلسىزدىگىن ەندى عانا جاريالاعان قازاقستان رەسپۋبليكاسىن بىلاي قويعاندا, «قازاق» دەگەن حالىقتىڭ بار-جوعىن ءالى تانىپ بىلمەيتىن ەدى. بۇگىندە الەم تانىعان, كۇللى دۇنيەجۇزى مويىنداعان قازاقستاننىڭ 25 جىلدان كەيىنگى جاعدايى ءدال وسىنداي بولادى دەپ سەنۋدىڭ ءوزى شىنىندا دا قيىن-تۇعىن. بىراق, بۇل – ءبارىمىز كۋا بولعان اقيقاتتى دۇنيە. سودان بەرگى 25 جىلدا ۇلان-عايىر ۇلى تابىستارعا قول جەتكىزە الدىق».
